Luc. 11:29 - Manobo Sarangani

²⁹ Sagwa labi pa medita se otaw netipon diyà ki Jesus, minikagi sikandin, “Medaet se ibeg te kedita te otaw songkani, so gayed kaw egkeibeg te ipekità ko diyà kenyo se pengilala. Meneng sebad olò se pengilala ipekità te Timanem diyà kenyo, aw yan se iling te neinang ki Jonas gebii.

Luc. 11:29 ပူးပေါင်းရင်းမြစ်များ

Mat. 3:7

Nayan, medita heman se egpengibing te simbahan te Judiyo dimoton ki Juan amon megpebonyag dan kandin. Sakop dan te menge Parisiyo aw Sadusiyo. Pegkità i Juan kandan, minikagi sikandin, “Tay law. Iling kaw te memokan egkadas te apoy. Eked kaw pekelowà lekat te pelumun te Timanem te modi aldaw singed aw megselsel kaw.

Mar. 8:38

Aw eked ikagi se otaw te sikandin se sakop ko, aw eked heman tolò te kagi ko meneng tomaking te otaw nelegeb te salà egtinàyog te Timanem, yan se otaw eked ko heman ikegihi te sikandin se sakop ko te peglikò ko. Siak se Timanem Migpekeotaw, aw lomikò a pa dini tekingan te kelangkaw te Amay ko aw sipat menge anghil te Timanem.”

Luc. 11:16

Doen heman menge doma otaw migtandà peden ki Jesus aw doen pengilala ipekità din diyà kandan amon ketegahan dan te ontò sikandin insogò te Timanem.

Luc. 11:50

Nayan, ipelumun te Timanem se kedita niyo songkani tandà te pegpengimatay te kemonaan niyo te menge telekeliwat te kagi din lekat te keteboan te keneyonan lamig seini,

Luc. 12:1

Nayan, dalem te pegtoladà i Jesus, minelalan se otaw netipon diyà kandin igsà migpegìtay dan te benis. Onà minikagi si Jesus diyà te menge tinoledaan din, “Peg-ahà kaw amon eked kaw ketini te salà te menge Parisiyo, so eden dan aw egpenimanem dan.

Luc. 9:41

Minikagi si Jesus, “Tay law, sikiyo menge otaw. Ontò kolang se aneng-aneng niyo, so wedà kaw pa salig diyà kanak. Eked den kenamay se pegdoma ko kenyo, meneng keilangan tomayod a pa pengkey eked kaw pemenal. Na, pedinihi se batà nikaw.”

Juan 2:18

Penga niyan, mig-insà se menge obanen te Judiyo, “Doen lay pengilala ipekità no kenami amon ketegahan day te insogò ka meg-inang kenyan?”

Juan 6:30

Mig-insà dan heman, “Eden lay se pengilala ipekità no kenami amon memenal kay kamno? Eden lay se inangen no kenami?

Juan 8:44

Si Satanas se ontò amay niyo, aw se ibeg din medaet, yan heman se ibeg niyo inangen. Lekat te ketebò te keneyonan, egpengimatay sikandin. Wedad palos labut din te kebenalan, so wedad kebenalan diyà kandin. Aw megkebolalaw sikandin, yan se ketanem te pedowan din, so bolelawun sikandin, aw sikandin se eglekatan te kedita te kebolalaw.

1 Korinto 1:22

Eked pemenal se menge Judiyo singed aw komità dan te kepelahan, aw ibeg te menge Griego, pemenalen dan olò se ontò medalem toladà.