Luc. 11:22 - Manobo Sarangani

²² Meneng aw domateng se otaw labi pa magsen diyà kandin, yan se domaeg te tig-apò te balay aw meg-agaw te kedita te kekamang sineligan din, aw iteped heman se kedònan din diyà te menge doma otaw.

Luc. 11:22 ပူးပေါင်းရင်းမြစ်များ

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

Luc. 11:21

“Aw megbantay se otaw te balay din, aw magsen sikandin, aw doen kekamang din, eked keagaw se kedònan din.

Luc. 11:23

“Se kedita te otaw eked pegpesakop diyà kanak, yan se egpoon kanak. Aw se kedita te otaw kenà egtelaban kanak, yan se egpekadas te doma otaw lekat kanak.”

Efeso 6:11

Gemiti niyo se kedita te kekamang ipegbegay te Timanem diyà kenyo, amon eked kaw dàgi i Satanas te peg-akal din kenyo.

Efeso 6:13

Yan se doun te keilangan gemiten niyo se kedita te kekamang ibegay te Timanem kenyo amon meketagad kaw. Yan aw domateng se aldaw te kelimahan, eked kaw dàgi, meneng aw mepenga iyan, kitaen te nenalo kaw.

Kolasas 2:15

Dinaeg te Timanem se kedita te metolos aw eglowan, aw impetaga-taga din te kedita tadon te nenalo den sikandin diyà te kedita dan pineokit te pegkematay i Jesus doton te kros.

1 Juan 3:8

Meneng sakop i Satanas se otaw gayed megpedeleg te peg-inang te salà, so gayed migpedeleg si Satanas te peg-inang te salà lekat te gebii te wedà pa inangi se keneyonan lamig songkani. Yan migpekeotaw se Batà te Timanem si Jesus amon pegbàtan din se kedita te medaet inang i Satanas.

1 Juan 4:4

Menge batà ko te pegpemenal, diyà kaw den te Timanem aw yan domaeg kaw te kedita dan egkeliwat te kagi kenà lekat te Timanem, so doen eg-ogpà diyà te pedowan niyo labi pa melangkaw diyà ki Satanas pengolo te medaet otaw dini te keneyonan.