Luc. 11:2 - Manobo Sarangani

² Minikagi si Jesus, “Iling kani se itawal-tawal niyo. ‘Amà, ibeg day iduyun ka te kedita te otaw. Ibeg day lomowan ka diyà te kedita te otaw.

Luc. 11:2 ပူးပေါင်းရင်းမြစ်များ

Mat. 10:32

“Aw mikagi se otaw diyà te doma te ontò sikandin migpesakop diyà kanak, mikagi a heman diyà te Amay ko doton te langit te sakop ko se otaw sìyan.

Mat. 3:2

“Pegselsel kaw den te menge salà ininang niyo, so agpet den lomowan se Timanem diyà kenitadon.”

Mat. 5:16

Iling heman kenyan, keilangan olò mèpiya se inangen niyo, so aw komità se menge doma otaw te mèpiya se eg-inangen niyo, iduyun dan se Amay niyo Timanem doton te langit.”

Luc. 11:1

Nayan, doen sebad aldaw migtawal-tawal si Jesus. Penga te pegtawal-tawal din, minikagi se sebad tinoledaan din, “Pengolo, toledai kay megtawal-tawal iling te pegtoladà i Juan Memonyagay diyà te menge tinoledaan din.”

Roma 1:7

Seini se solat ko diyà te kedita niyo doton te lonsod te Roma. Nedekelan kaw te Timanem te pedowan, aw tinawal kaw din amon meinang kaw menge sakop din. Ibeg ko tebangan kaw te Timanem Amay tadon aw Pengolo tadon si Jesu Cristo, aw begayan kaw dan te kelinaw te pedowan.

Roma 8:15

Pegpemegay te Timanem te Espiritu Santo diyà kenyo, wedà kaw din inangi menge allang din, meneng ininang kaw din menge batà din. Yan se doun te wedad den kelemitanan niyo, so mepakay den aw Amà se itawal tadon te Timanem, so amay tadon den sikandin,

1 Korinto 1:3

Ibeg ko, tebangan kaw te Amay tadon Timanem aw Pengolo tadon si Jesu Cristo. Ibeg ko heman, begayan kaw te Timanem te kelinaw te pedowan niyo.

2 Korinto 1:2

Ibeg ko, tebangan kaw te Timanem Amay aw Pengolo tadon si Jesu Cristo. Ibeg ko heman, begayan kaw te Timanem te kelinaw te pedowan.

Galasya 1:4

Lekat te kandin ibeg, nematay si Cristo amon meabat se kedita te salà tadon, amon eked kidon taking te menge otaw eg-inang te medaet dini te keneyonan. Timolò si Cristo mig-inang kenyan, so yan se ibeg te Timanem Amay tadon.

Efeso 1:2

Ibeg ko, begayan kaw te tabang aw kelinaw te pedowan lekat te Timanem Amay tadon, aw lekat te Pengolo tadon si Jesu Cristo.

Filipos 1:2

Ibeg ko, begayan kaw te tabang aw kelinaw te pedowan lekat te Timanem Amay tadon, aw lekat te Pengolo tadon si Jesu Cristo.

Filipos 4:20

Yan keilangan iduyun se Timanem Amay tadon te wedad temanan. Metoman iyan.

Kolasas 1:2

Seini se solat day te kedita niyo menge sakop te Timanem doton te lonsod te Kolosas. Sikiyo se menge kedowa day te pegpemenal aw egkeseligan. Ibeg day, tebangan kaw te Timanem, aw begayan kaw din heman te kelinaw te pedowan niyo.

1 Tesalonika 1:1

Seini se solat ko, si Pablo, doma ki Silas, aw si Timoteo. Simolat kay te kedita niyo egpemenal kidoen te Tesalonika menge sakop te Amay tadon Timanem aw Pengolo tadon si Jesu Cristo. Ibeg day, tebangan kaw te Timanem aw begayan kaw din heman te kelinaw te pedowan.

1 Tesalonika 1:3

Te pegtawal-tawal day diyà te Amay tadon Timanem, kenà kay egkelibel te impetaga-taga niyo te benal nemenal kaw ki Cristo pineokit te eg-inangen niyo, aw impetaga-taga niyo te dakel se pedowan niyo kandin pineokit te pegpekeaseb niyo, aw impetaga-taga niyo te egpeliman kaw te Pengolo tadon si Jesu Cristo pineokit te pegtayod niyo te kelimahan.

2 Tesalonika 2:16

Ibeg day, entagen se pedowan niyo aw tebangan kaw te Pengolo tadon si Jesu Cristo aw Amay tadon Timanem amon mèpiya se kedita te inangen niyo aw ikegiyen niyo. Dakel se pedowan te Timanem kenitadon, aw pineokit te tabang din kenitadon neantag den se pedowan tadon wedad temanan, aw mèpiya den heman se pegpeliman tadon.

Impekità 11:15

Penga niyan, mig-edop se ikepito anghil te bodyong din, aw doen medita dinineg ko kidoen te langit aw ontò dakel se kagi dan, “Se kedita te otaw te keneyonan nesakop den te peglowan te Pengolo tadon aw peglowan te Misiyas pinemallì din. Lomowan sikandin te wedad temanan.”

Impekità 15:4

E Pengolo day, Segmanen ka aw iduyun ka te kedita te otaw, So sebad no se eg-inang te ontò metòlid. Simbahen ka te otaw lekat te kedita te lonsod, So impekità no den te metòlid se kedita te ininang nikaw.”

Impekità 19:6

Penga niyan, doen dinineg ko iling te pegtawal te ontò medita otaw, iling te elok te medita wayeg aw eleg-eg te kilat. Timawal dan, “Aliloya. Iduyun se Timanem, so limowan den se Pengolo tadon Timanem diyà te kedita te otaw.

Impekità 20:4

Penga niyan, kinità ko se menge onsedanan te peglowan. Nenenoo kidoen se menge otaw insawol amon meg-okom. Kinità ko heman se pedowan te kedita te otaw inimetayan tandà te peg-indan dan tepad ki Jesus aw pegtoladà dan te kagi te Timanem, so wedà dan pegsimba diyà te menenanap mebolot aw diyà te inotaw impeinang din, aw wedà dan heman pegpeinang te pengilala kidoen te kilay dan aw belad. Inantay den dan, aw limowan dan doma i Cristo dalem te sebad melalan se omay.