Luc. 11:13 - Manobo Sarangani

¹³ Nayan, pengkey doen medaet eg-inangen niyo, meneng gayed mèpiya se ipegpemegay niyo diyà te menge batà niyo. Labi pa se Amay niyo Timanem kidoen te langit, so egpemegay sikandin te Espiritu Santo diyà te kedita te otaw memoyò diyà kandin.”

Luc. 11:13 ပူးပေါင်းရင်းမြစ်များ

Genesis 8:21

Peg-adek te Timanem te nadeg niyan, neluba sikandin, aw minikagi sikandin diyà te pedowan din, “Eked a todà pegpelumun te tanà tandà te medaet inang te otaw, so netegahan ko te gayed medaet se ibeg te pedowan te otaw lekat te pegtebaw dan. Eked a todà peg-igelà te kedita te otaw aw menenanap iling te ininang ko den.

Mat. 5:16

Iling heman kenyan, keilangan olò mèpiya se inangen niyo, so aw komità se menge doma otaw te mèpiya se eg-inangen niyo, iduyun dan se Amay niyo Timanem doton te langit.”

Mat. 5:45

Aw iling kenyan se eg-inangen niyo, yan ipetaga-taga niyo te batà kaw te Timanem doton te langit, so gayed sikandin egpesenang te aldaw diyà te kedita te otaw pengkey medaet aw mèpiya se pedowan dan. Gayed heman sikandin egpetedak te odan diyà te pawà te kedita te otaw pengkey metòlid aw kenà metòlid se eg-inangen dan.

Mat. 6:14

“Aw pegwedaden niyo se salà ininang te doma otaw diyà kenyo, pegwedaden heman te Amay niyo Timanem se salà ininang niyo diyà kandin.

Mat. 6:30

So ininang te Timanem mèpiya se bawa te bolak te kebenesan pengkey sonogen iyan te eked kenamay, labi pa metoman se peg-ipat din kenyo. Meneng wedà pa kedì kelobos se pegsalig niyo kandin.

Mat. 6:32

Se kedita te otaw kenà egsalig te Timanem, gayed dan egketetana tepad te keogpà dan. Meneng netegahan den te Amay niyo Timanem se kedita te kepulukan niyo.

Mat. 7:11

Nayan, pengkey doen medaet eg-inangen niyo, meneng gayed mèpiya se ipegpemegay niyo diyà te menge batà niyo. Labi pa se Amay niyo Timanem kidoen te langit, so egpemegay sikandin te mèpiya diyà te kedita te otaw memoyò diyà kandin.

Luc. 11:12

Aw memoyò se batà niyo te batà te manok, eked kaw heman pemegay kandin te inenipit.

Luc. 11:2

Minikagi si Jesus, “Iling kani se itawal-tawal niyo. ‘Amà, ibeg day iduyun ka te kedita te otaw. Ibeg day lomowan ka diyà te kedita te otaw.

Luc. 18:7

Labi pa metoman se Timanem egpenabang te otaw pinemallì din aw egpengenganay dan diyà kandin te kelikit te aldaw aw delem. Eked sikandin peg-alà-alà,

Juan 4:10

Timaba si Jesus, “Aw netegahan no pa aw eden se ibowang te Timanem kamno, aw netegahan no heman aw sinu se nemoyò te wayeg diyà kamno, sikona se memoyò diyà kanak, aw begayan ta te wayeg egpemegay te pedowan.”

Ininang 2:38

Timaba si Pedro, “Pegselsel kaw te salà niyo. Pegpebonyag kaw tandà te pegpemenal niyo ki Jesu Cristo. Aw memenal kaw, pegwedaden te Timanem se salà niyo, aw Espiritu Santo se ibegay kenyo.

Roma 5:17

Pengkey benal egkematay se kedita te otaw tandà te salà ininang te sebad otaw si Adam, meneng ontò mèpiya se dimateng diyà kenitadon tandà te ininang te sebad otaw si Jesu Cristo. Ontò mèpiya se tabang te Timanem imbowang din kenitadon, sìyan peg-aneng-aneng din te metòlid kidon, so aw kominawà kidon te tabang din sìyan, begayan kidon din te kaling pedowan, aw ipelowan kidon doma din doton te langit.

Roma 7:18

Netegahan ko te wedad palos mèpiya kidoen te tapay pedowan ko, so pengkey meibeg a meg-inang te mèpiya, meneng eked ko iyan keinang.

Roma 8:32

Wedà din temengi se Batà din si Jesus, meneng insogò din sikandin simelilin kenitadon aw nematay amon megtabang kenitadon. Aw iling kenyan se keido din kenitadon, ibegay din heman se kedita te kelidoan tadon.

Tito 3:3

so sikitadon egpemenal, wedad heman inenengen tadon kedengan, aw metugul kidon, aw wedà kidon taking te ibeg te Timanem. Neallang kidon te mededaet ibeg te pedowan tadon aw menge kelubahan medaet. Gayed kidon eg-aneng-aneng tepad te medaet inangen tadon diyà te doma otaw, aw gayed kidon eg-ingà. Nebensihan kidon te doma otaw aw nebensi kidon heman kandan.