Luc. 10:9 - Manobo Sarangani

⁹ Pegpegolì kaw te otaw doen mesakit. Ikagi kaw diyà kandan, ‘Medapag den se peglowan te Timanem diyà kenyo.’

Luc. 10:9 ပူးပေါင်းရင်းမြစ်များ

Mat. 3:2

“Pegselsel kaw den te menge salà ininang niyo, so agpet den lomowan se Timanem diyà kenitadon.”

Mat. 4:17

Lekat niyan, migtebò si Jesus migtoladà, aw minikagi sikandin, “Pegselsel kaw den te menge salà ininang niyo, so agpet den lomowan se Timanem diyà kenyo.”

Mar. 4:30

Minikagi heman si Jesus, “Meg-indan a den kenyo tepad te peglowan te Timanem pineokit te tegdeyanan seini.

Mar. 6:13

Medita se bosaw impelowà dan lekat te otaw, aw medita heman se otaw doen mesakit pinetedakan dan te lana aw negolian dan.

Luc. 10:10

Meneng aw eked kaw segmani te otaw doton te lonsod dotonan niyo, doton kaw te dalan aw ikagi kaw,

Luc. 10:11

‘Pengkey napò te tanà niyo dimeket diyà te benis day, tektaken day den, amon ketegahan niyo te doen salà niyo. Keilangan metaga-taga kaw te medapag den se peglowan te Timanem diyà kenyo, meneng kimulu kaw kenyan.’

Luc. 9:2

Penga niyan, insogò din dan tomeped te menge doma ogpeanan amon megtoladà dan tepad te peglowan te Timanem aw amon megpegolì dan te otaw doen mesakit.

Juan 3:3

Minikagi si Jesus, “Eneng-enengi se kagi ko kamno. Aw eked todà tebaw se otaw, eked sikandin kesakop diyà te peglowan te Timanem.”

Juan 3:5

Minikagi si Jesus, “Eneng-enengi se kagi ko kamno. Aw eked tebaw se otaw pineokit te wayeg aw pineokit heman te Espiritu Santo, eked sikandin kesakop diyà te peglowan te Timanem.

Ininang 28:28

Penenalan kaw kanak. Inindanan den se menge otaw kenà Judiyo te megpelowà se Timanem kandan lekat te salà, so menenalan dan kenyan.” [

Ininang 28:31

Migtoladà sikandin te kebenalan tepad te Pengolo si Jesu Cristo aw tepad te peglowan te Timanem. Wedà pegketalaw te pegtoladà din, aw wedad heman otaw mig-anggà kandin.