Luc. 10:7 - Manobo Sarangani

⁷ Ikà niyo eg-alin-alin, meneng peg-ogpà kaw kidoen te sebad olò balay. Kaen kaw aw inem kaw te pengkey eden se lemaken dan kenyo, so keilangan togpoan se otaw egterbaho.

Luc. 10:7 ပူးပေါင်းရင်းမြစ်များ

2 Timoteo 2:6

Iling heman te egpawà se otaw egtaking ki Jesu Cristo, so aw measeb se otaw megpawà, sikandin se onà kominawà te ontong te geniyen.

Galasya 6:6

Se menge otaw pigtoledaan te kagi te Timanem, yan se keilangan memegay te menge mèpiya diyà te otaw migtoladà kandan.

Luc. 9:4

Aw domateng kaw doton te lonsod, ketingen kaw diyà te sebad balay. Ikà niyo eg-alin-alin lamig domeleg kaw doton te doma lonsod.

Mar. 6:10

Migpunù sikandin, kagi din, “Aw domateng kaw doton te lonsod, ketingen kaw diyà te sebad balay. Ikà niyo eg-alin-alin lamig domeleg kaw doton te doma lonsod.

1 Timoteo 5:13

Megketaka dan heman, aw meglegeb-legeb dan doton te menge doma balay. Kenà olò dan megketaka, meneng megkebelikbikun dan heman, aw meg-inabut dan te doma, aw mikagi dan tepad te eked kepakay iindan.

Ininang 16:34

Inibing din dan doton te balay din, aw pinekaen din dan. Neluba se kedita dan, so nemenal den dan te Timanem.

Ininang 16:15

Binonyagan sikandin sipat kedita te otaw mig-ogpà diyà kandin. Penga niyan, minikagi sikandin, “Aw nemenal kaw te nelobos se pedowan ko diyà te Pengolo, peg-ogpà kaw den doton te balay ko.” Ontò migpeido-ido si Lydia aw yan timandù kay.

Ininang 16:40

Pegkelowà dan, dimoton dan te balay i Lydia. Yan migkità dan te menge otaw egpemenal, aw inantag dan se pedowan dan amon melobos se pedowan dan diyà te Timanem. Penga niyan, nesayo dan lekat te Filipos.

Luc. 10:6

Na, aw mèpiya se pedowan te otaw eg-ogpà kidoen, begayan sikandin te kelinaw pineokit te kagi niyo. Meneng aw wedad otaw kidoen mèpiya se pedowan din, lomikò diyà kenyo se inikagi niyo.