Luc. 10:42 - Manobo Sarangani

⁴² Meneng sebad olò se kolang nikaw. Labi pa mèpiya se ininang i Maria, aw eked ko segdahi se pegpenenalan din kanak.”

Luc. 10:42 ပူးပေါင်းရင်းမြစ်များ

Juan 4:14

Meneng se otaw minem te wayeg ibegay ko kandin, yan se eked todà palos kelao. Se wayeg ibegay ko kandin, yan se meinang selep kidoen kandin egtebolan te wayeg mekebegay te kaling pedowan wedad temanan.”

Juan 5:24

“Eneng-enengi niyo se kagi ko kenyo seini. Se otaw menenalan te kagi ko, aw memenal heman diyà te Amay ko simogò kanak, yan se otaw begayan te kaling pedowan wedad temanan. Eked sikandin pelumuni, so nekelowà den sikandin lekat te kemetayun, aw doen den kaling pedowan din wedad temanan.

Luc. 18:22

Pegdineg i Jesus kenyan, minikagi sikandin, “Sebad mendad se keilangan inangen nikaw. Beligyai se kedakel te kedònan no, aw iteped se kwarta no diyà te menge otaw nelimahan. Aw yan se inangen no, doen ontong kinewaen no doton te langit. Penga te pegteped no te kedakel niyan, likò ka dini aw taking ka kanak.”

Juan 17:3

Seini se otaw doen kaling pedowan wedad temanan, se otaw netaga-taga kamno, sebad no se ontò benal Timanem, aw netaga-taga heman kanak, si Jesu Cristo insogò no dini te keneyonan.

Mar. 8:36

So simpana tig-epoen te otaw se kedakel te keneyonan, aw penga niyan matay sikandin aw ipelumun doton te kilot, wedad ontong din,

Luc. 8:18

“Nayan, keilangan toloen niyo se dinineg niyo. Se otaw kominawà te kebenalan, yan se dogangan te kebenalan. Meneng se otaw eked kinawà te kebenalan, yan se pegwedadan te kebenalan.”

Luc. 12:20

Meneng minikagi se Timanem, ‘Wedad palos inenengen nikaw. Matay ka den te delem seini. Pengkey dakel den se kededònan no, meneng ibegay se kedakel niyan diyà te doma otaw.’

1 Korinto 13:3

Pengkey tigkan ko ibegay se kedakel te kedònan ko diyà te doma otaw, pengkey mepakay diyà kanak se pegsonog te lawa ko tandà te pegpemenal ko, meneng aw wedad kedakel te pedowan ko diyà te doma otaw, wedad ontong te peg-inang ko kenyan.

Luc. 12:33

Keilangan ibeligyà niyo se kededònan niyo, aw ipemegay niyo se kwarta diyà te otaw nelimahan. Aw yan se inangen niyo, metipon kidoen te langit se ontong niyo eked palos pegkedaet, so eked iyan ketakaw kidoen, aw eked iyan heman kebàti.

Luc. 16:25

Meneng minikagi si Abraham, ‘Atò, eneng-enengi ini. Te wedà ka pa kematay, wedad palos lidò no so dakel se kedònan no mèpiya, meneng gayed doen kelimahan i Lazaro. Nayan, ontò den sikandin neluba dini, aw sikona den se ineleg kidoen.

Galasya 5:6

Diyà te menge otaw nemenal den ki Cristo, wedad elet diyà te otaw tinolì aw otaw wedà tolii. Onawa iyan diyà te Timanem. Meneng ibeg te Timanem, ipekità tadon te benal se pegpemenal tadon pineokit te dakel pedowan tadon.

Luc. 16:2

Penga niyan, tinawal te datò se otaw sìyan, aw minikagi, ‘Medaet se dinineg ko tepad kamno. Ibingi dini se kedita te libro tepad te kwarta insalig ko diyà kamno, so eked a den salig kamno.’

Luc. 10:39

Dalem te peg-inang i Marta te kànen, gayed nenenoo se adi din si Maria diyà te dapag i Jesus amon menenalan te itoladà din.

Luc. 11:1

Nayan, doen sebad aldaw migtawal-tawal si Jesus. Penga te pegtawal-tawal din, minikagi se sebad tinoledaan din, “Pengolo, toledai kay megtawal-tawal iling te pegtoladà i Juan Memonyagay diyà te menge tinoledaan din.”

Juan 6:27

Ikà niyo egpengemahà te kànen megkewedad te eked kenamay. Meneng pengemahà kaw te kànen eked pegkewedad aw mekebegay te pedowan wedad temanan. Yan se ibegay ko kenyo, so siaken se Timanem Migpekeotaw, aw impetaga-taga te Amay ko Timanem te siak se insogò din.”

Juan 11:1

Penga niyan, doen otaw nesekitan si Lazaro tege Bitanya. Doen dowa etebay din si Maria aw si Marta. Tege Bitanya dan heman.

Juan 11:19

Yan se doun te medita se menge Judiyo tege Jerusalem limaoy ki Marta aw si Maria amon sinelayen dan tandà te kedowa dan nematay.

Juan 12:3

Si Maria, sìyan adi i Lazaro, inibing din se sebad sopa te lana metinadeg iningedanan nardo ontò meelagà. Yan se intoyong din diyà te benis i Jesus, aw logay din se inggalis din te benis i Jesus. Nelegeb se kedakel te balay te nadeg niyan.