Luc. 10:41 - Manobo Sarangani

⁴¹ Meneng timaba se Pengolo, “Tay law, Marta. Pelaban ka netetana tepad te medita eg-inangen nikaw.

Luc. 10:41 ပူးပေါင်းရင်းမြစ်များ

Filipos 4:6

Pengkey eden se domateng kenyo, ikà niyo palos egketetana. Meneng pegtawal-tawal kaw tepad te kedita diyà te Timanem. Pemoyoi niyo diyà kandin se kedita te kelidoan niyo. Pegpesiontong kaw heman kenyan diyà kandin.

Luc. 21:34

“Peg-ahà kaw amon meketagad kaw te aldaw sìyan. Eked kaw peketagad aw egpengemahà kaw te keluba, aw eg-inem kaw, aw gayed kaw eg-aneng-aneng tepad te peg-ogpà niyo, so metoman domateng se aldaw sìyan pengkey eked kaw peketagad.

Mar. 4:19

Meneng penga niyan, wedad ontong dan so dàgen dan te ibeg dan tomaking te ketanem te keneyonan, aw ibeg dan megkeyaman amon meluba dan, aw menge doma ibeg dan. Yan se doun te wedad ontong dan diyà te kagi te Timanem dinineg dan.

Luc. 12:22

Minikagi si Jesus diyà te menge tinoledaan din, “Yan se doun te mikagi a den diyà kenyo, ikà niyo egketetana tepad te keogpà niyo aw eden se kànen niyo. Ikà niyo heman egketetana tepad te lawa niyo aw eden se ekasan niyo.

Luc. 8:14

Nayan, se benì nesabog diyà te pinonoan te sagbet doen tigis, yan se iling te otaw ontò domineg te kagi te Timanem intoladà. Meneng penga niyan, wedad ontong dan, so dàgen dan te ibeg dan megkeyaman, aw ibeg dan te keluba te keneyonan, aw doma ibeg te pedowan dan.

Luc. 10:38

Nayan, dimeleg dan aw minokit dan doton te sebad lonsod. Doen bayi si Marta kidoen migpeapit ki Jesus doton te balay din.

Luc. 10:40

Meneng ontò nebuyung si Marta, so sebad din se mig-inang te kànen. Penga niyan, dimoton si Marta ki Jesus, aw minikagi, “Pengolo, sebad ko se mig-inang te kànen, so wedà pegtelaban se adi ko. Aw doen keido no kanak, sogoi sikandin megtelaban kanak.”

Juan 11:1

Penga niyan, doen otaw nesekitan si Lazaro tege Bitanya. Doen dowa etebay din si Maria aw si Marta. Tege Bitanya dan heman.

Juan 11:5

Pengkey nedekelan i Jesus te pedowan si Marta aw si Maria aw si Lazaro,

Juan 12:2

Pegdateng din doton, mig-inang dan te kànen te pegsagman dan ki Jesus. Pegpengaen dan, migtelaban si Marta miglamak, aw si Lazaro se sebad diyà te menge otaw kimaen doma ki Jesus.