Luc. 10:40 - Manobo Sarangani

⁴⁰ Meneng ontò nebuyung si Marta, so sebad din se mig-inang te kànen. Penga niyan, dimoton si Marta ki Jesus, aw minikagi, “Pengolo, sebad ko se mig-inang te kànen, so wedà pegtelaban se adi ko. Aw doen keido no kanak, sogoi sikandin megtelaban kanak.”

Luc. 10:40 ပူးပေါင်းရင်းမြစ်များ

Juan 6:27

Ikà niyo egpengemahà te kànen megkewedad te eked kenamay. Meneng pengemahà kaw te kànen eked pegkewedad aw mekebegay te pedowan wedad temanan. Yan se ibegay ko kenyo, so siaken se Timanem Migpekeotaw, aw impetaga-taga te Amay ko Timanem te siak se insogò din.”

Luc. 12:29

Ikà niyo egketetana tepad te kànen niyo aw inemen niyo. Ikà niyo heman egdowa-dowa.

Mat. 16:22

Penga niyan, migpedapag si Pedro diyà ki Jesus, aw sinagda din, kagi din, “Pengolo, eked peden iyan keinang te Timanem diyà kamno. Eked palos iyan ketoman.”

Mat. 14:15

Pegkeapon niyan, dimoton se tinoledaan din kandin, aw minikagi dan, “Ontò ini kebigtilan, aw agpet den delem. Pekeseyowi se kedita te otaw doton te lonsod amon mayad dan te kànen dan.”

Luc. 9:55

Meneng miniling si Jesus diyà kandan aw sinagda din dan.

Mar. 3:21

Pegdineg te menge kedomaan i Jesus te wedà sikandin pekekaen, dimoton dan kandin amon ibingen dan sikandin doton te balay, so doen menge otaw eg-ikagi te migkebook sikandin.

Luc. 10:38

Nayan, dimeleg dan aw minokit dan doton te sebad lonsod. Doen bayi si Marta kidoen migpeapit ki Jesus doton te balay din.

Luc. 10:41

Meneng timaba se Pengolo, “Tay law, Marta. Pelaban ka netetana tepad te medita eg-inangen nikaw.

Juan 11:1

Penga niyan, doen otaw nesekitan si Lazaro tege Bitanya. Doen dowa etebay din si Maria aw si Marta. Tege Bitanya dan heman.

Juan 11:5

Pengkey nedekelan i Jesus te pedowan si Marta aw si Maria aw si Lazaro,

Juan 12:2

Pegdateng din doton, mig-inang dan te kànen te pegsagman dan ki Jesus. Pegpengaen dan, migtelaban si Marta miglamak, aw si Lazaro se sebad diyà te menge otaw kimaen doma ki Jesus.