Luc. 10:3 - Manobo Sarangani

³ Na, kesayo kaw den. Meneng peg-ahà kaw amon eked kaw pemilangi te mededaet otaw, so iling kaw te ayam-ayam karniro egbenganan te menenanap te kebenesan iningedanan lobo.

Luc. 10:3 ပူးပေါင်းရင်းမြစ်များ

Mat. 10:16

“Nayan, peg-ahà kaw amon eked kaw pemilangi te menge mededaet otaw, so iling kaw te ayam-ayam karniro binenganan te menenanap te kebenesan iningedanan lobo. Yan keilangan ontò kaw megpekebiyasa, aw keilangan wedad palos inangen niyo medaet.

Ininang 20:29

Netegahan ko te doen kwani otaw domateng dini kenyo amon meg-akal dan kenyo, aw kebàtan dan se pegsalig niyo diyà te Timanem.

Juan 16:2

Domateng se aldaw eked kaw peopi kidoen te menge simbahan te Judiyo. Imetayan kaw heman te otaw meg-aneng-aneng te yan se ibeg te Timanem.

Juan 15:20

Eneng-enengi niyo se inikagi ko diyà kenyo kedengan. Wedad sineligan labi pa melangkaw diyà te amo din. Aw nemilang se menge doma otaw kanak, memilang dan heman kenyo. Aw timolò dan te kanak toladà, tomolò dan heman te kenyo toladà.

Mat. 10:22

Kebensihan kaw te keditaan te otaw tandà te pegpesakop niyo diyà kanak. Meneng aw tomayod kaw te kedita te kelimahan, ipelowà kaw.

Mat. 7:15

“Peg-ahà kaw amon eked kaw keekali te menge otaw egpelingo-lingo telekeliwat te kagi te Timanem. Medaet se tod dan kenyo iling te mebolot menenanap te kebenesan iningedanan lobo egpelingo-lingo iling te ayam-ayam karniro amon megbaet te karniro.

Ininang 9:2

aw nemoyò te solat ibingen din doton te menge simbahan te Judiyo kidoen te Damasko amon mepakay din dekepen se menge otaw ketelaan din egtaking te Pengolo, pengkey meama aw bayi, aw ibingen din dan doton te Jerusalem amon kelebosowen.

Juan 10:12

Meneng aw megtonggò se otaw tendanan, aw kitaen din se toyang te kebenesan iningedanan lobo, yan komadas sikandin aw tomanan te menge karniro. So kenà din se tig-apò kenyan, kenà din se ontò megtonggò kenyan. Yan bengaen te lobo se karniro aw mebilit se doma.

Ininang 9:16

Ipetaga-taga ko kandin te doen kelimahan domateng diyà kandin tandà te pegtaking din kanak.”

Luc. 10:4

Ikà niyo egpengibing te kwarta, aw kelepì, aw sepatos ekasan niyo. Aw doen otaw kitaen niyo doton te dalan, ikà niyo egsempetanun kandan amon eked kaw keanggà.