Luc. 10:29 - Manobo Sarangani

²⁹ Meneng ibeg te otaw sìyan, ipetaga-taga din te metòlid se eg-inangen din, aw yan se doun te mig-insà sikandin, “Sinu lay se doma otaw keilangan kedekelan ko te pedowan?”

Luc. 10:29 ပူးပေါင်းရင်းမြစ်များ

Luc. 16:15

Meneng minikagi si Jesus, “Sikiyo se egpelingo-lingo te metòlid se eg-inangen niyo, meneng netaga-taga se Timanem te medaet se pedowan niyo. Pengkey megpelangkaw-langkaw kaw, meneng ontò iyan medaet diyà te Timanem.

Galasya 3:11

Netegahan tadon te wedad palos otaw eneng-enengen te Timanem te metòlid dan pineokit te pegtolò dan te punù ingkeliwat i Moises, so impesolat heman te Timanem, “Se otaw memenal, yan se otaw eneng-enengen te Timanem te metòlid dan aw begayan din te pedowan wedad temanan.” Yan se kagi din.

Roma 4:2

Simpana pineokit te mèpiya ininang din se peg-aneng-aneng te Timanem te metòlid sikandin, mepakay peden megpelangkaw-langkaw si Abraham. Meneng kenà pineokit kenyan se peg-aneng-aneng te Timanem te metòlid sikandin.

Roma 10:3

Wedà dan ketegahi te doen peokit ininang te Timanem amon eneng-enengen din te metòlid dan. Yan ininang dan beling se kandan peokit. Meneng wedà eneng-enengi te Timanem te metòlid dan, so wedà dan taking te peokit ininang din.

Luc. 10:36

Nayan, eden lay se kamno aneng-aneng? Pengkey telo se otaw kimità te otaw nepelian te megdedempasay, meneng sinu lay se migpetaga-taga te dakel se pedowan din diyà te doma otaw?”

Santiago 2:24

Netegahan niyo den te keilangan ipekità te otaw te nemenal sikandin te Timanem pineokit te mèpiya inang din amon meg-aneng-aneng se Timanem te metòlid sikandin.

Mar. 8:34

Penga niyan, tinawal i Jesus se menge tinoledaan din sipat kedita te doma otaw netipon kidoen. Minikagi sikandin, “Aw meibeg se otaw tomaking kanak, keilangan megsagda sikandin te ibeg te pedowan din, aw tomayod te kelimahan te kelikit te aldaw pengkey imetayan sikandin, aw keilangan ontò tomaking kanak.