Luc. 10:28 - Manobo Sarangani

²⁸ Minikagi si Jesus, “Benal se taba nikaw. Aw yan se inangen no, metoman ka kominawà te kaling pedowan wedad temanan.”

Luc. 10:28 ပူးပေါင်းရင်းမြစ်များ

Mat. 19:17

Minikagi si Jesus, “Nepela a so mig-insà ka diyà kanak aw eden se mèpiya inangen nikaw. Sebad olò se ontò mèpiya, olò Timanem. Aw meibeg ka kominawà te kaling pedowan wedad temanan, keilangan tomolò ka te menge punù din ingkeliwat i Moises.”

Galasya 3:12

Meneng se otaw meibeg eneng-enengen te Timanem te metòlid sikandin pineokit te pegtolò din te punù ingkeliwat i Moises, yan se otaw wedad kekemowan te kandin pegpemenal. So doen kagi te Timanem insolat, “Se otaw somalig te punù ingkeliwat i Moises, yan se otaw keilangan tomolò te kedita te punù sìyan amon kebegayan te pedowan wedad temanan.”

Roma 10:4

Si Cristo se temanan te menge punù ingkeliwat i Moises. Lekat niyan, eneng-enengen den te Timanem te metòlid se kedita te otaw somalig diyà ki Cristo.

Roma 3:19

Na, netegahan tadon te yan se kagi te Timanem tepad te kedita tadon menge Judiyo, so kemonaan tadon se kineliwatan i Moises te menge punù. Yan eked kidon pekeikagi te wedad salà tadon, so okomen te Timanem se kedita te otaw te keneyonan.

Luc. 7:43

Timaba si Simon, “Sikandin besi mineles te lima gatos, so labi pa dakel se salà din pigwedad.” Minikagi si Jesus, “Benal se pegtaba nikaw.”

Mar. 12:34

Pegdineg i Jesus te mèpiya se intaba din, minikagi sikandin, “Agpet den se pegpesakop no diyà te peglowan te Timanem.” Lekat te aldaw sìyan, wedad palos otaw migtelaman mig-insà ki Jesus.

Roma 7:10

Pengkey doen kaling pedowan wedad temanan impakang diyà te otaw ontò tomolò te menge punù te Timanem, meneng netegahan ko te detengan a te kemetayun tandà te peglàpang ko te punù din.