Luc. 10:27 - Manobo Sarangani

²⁷ Timaba sikandin, “Binasa ko se kagi seini, ‘Kedekeli niyo te pedowan se Pengolo niyo Timanem te ontò melobos se pedowan niyo kandin, aw aneng-aneng niyo, aw keseg niyo. Kedekeli niyo heman te pedowan se doma otaw iling te peg-aneng-aneng niyo te kenyo pegkeotawun.’”

Luc. 10:27 ပူးပေါင်းရင်းမြစ်များ

Roma 13:9

Doen punù insolat, “Ikà niyo eglakad. Ikà niyo egbonò. Ikà niyo egpenakaw. Ikà niyo eg-ingà.” Doen heman menge doma punù insolat, meneng netibok se kedita niyan diyà te sebad punù seini, “Kedekeli niyo te pedowan se doma otaw iling te peg-aneng-aneng niyo te kenyo pegkeotawun.”

Santiago 2:8

Mèpiya aw toloen niyo se punù te Timanem, sìyan kagi din insolat, “Kedekeli niyo te pedowan se doma otaw iling te peg-aneng-aneng niyo te kenyo pegkeotawun.”

1 Juan 3:18

Menge batà ko te pegpemenal, wedad ontong aw olò kidon mikagi te dakel se pedowan tadon te doma otaw meneng wedad ketomanan niyan. Keilangan ipekità tadon te benal dakel se pedowan tadon te doma otaw pineokit te tabang tadon kandan.

Menge Hebreo 8:10

Minikagi heman se Timanem, “Iling kani se kaling peokit inangen ko te menge bowad-bowad i Israel te modi aldaw. Ipeaneng-aneng ko kandan se menge punù ko amon eked dan iyan kelibeli. Iling te isolat ko se menge punù ko kidoen te pedowan dan amon meibeg dan tomolò kenyan. Penga niyan, siaken se Timanem simbahen dan, aw sikandan se otaw ipaten ko.

Galasya 5:13

Menge kedowa ko, tinawal kaw te Timanem amon ipelowà kaw din lekat te pegtolò niyo te punù sìyan. Pengkey wedà kaw den keallang kenyan, meneng ikà niyo den eg-aneng-aneng te mepakay aw tomaking kaw te medaet ibeg te pedowan niyo. Meneng pedekelay kaw te pedowan, aw petebangay kaw.

Mat. 19:19

Keilangan memasa ka te amay aw inay nikaw. Kedekeli heman te pedowan no se doma otaw iling te peg-aneng-aneng no te kamno pegkeotawun.”

Luc. 10:26

Minikagi si Jesus, “Eden lay se binasa no kidoen te kagi te Timanem tepad kenyan?”