Luc. 10:21 - Manobo Sarangani

²¹ Nayan, dakel se luba imbegay te Espiritu Santo ki Jesus, aw yan se doun te migtawal-tawal sikandin, kagi din, “Amà, Pengolo te kedita doton te langit aw dini heman te tanà, egpesiontong a diyà kamno, so wedà no petega-tegahi se kebenalan diyà te otaw biyasa aw dakel netegahan, meneng impetaga-taga no den iyan diyà te otaw medanà. Iduyun ta Amà, so lekat iyan te ibeg nikaw ontò mèpiya.”

Luc. 10:21 ပူးပေါင်းရင်းမြစ်များ

2 Korinto 4:3

Meneng se Mèpiya Indan tepad ki Cristo intoladà ko, wedà iyan kelebeti te menge otaw egpesalo doton te pelumun,

Efeso 1:11

Lekat te ibeg te Timanem se kedita te eg-inangen din. Yan pinemallì kidon din gebii te wedà din pa inangi se keneyonan amon meinang kidon menge sakop din pineokit ki Cristo.

Efeso 1:5

mig-aneng-aneng sikandin te inangen kidon din menge batà din pineokit ki Cristo, so yan se ibeg din aw tod din.

Mar. 10:15

Eneng-enengi niyo se kagi ko kenyo seini. Aw eked salig se otaw diyà te Timanem iling te pegsalig te mengisù diyà te amay dan, eked sikandin sekopi te Timanem diyà te peglowan din.”

Mat. 21:16

Yan se doun te minikagi dan diyà ki Jesus, “Tay law. Aw dinineg no se kagi dan, nengà lay wedà no dan segdahi?” Timaba si Jesus, “Dinineg ko dan, meneng mepakay iyan diyà kanak. Wedà niyo besi besahi se kagi te Timanem seini, ‘Isogò te Timanem se mengisù domuyun kandin.’”

Mat. 16:17

Minikagi si Jesus, “Simon, batà i Juan, doen ontò keluba nikaw. Kenà otaw se migpetaga-taga diyà kamno te siak se Batà te Timanem, meneng Amay ko doton te langit se migpetaga-taga kenyan diyà kamno.

Luc. 15:9

Aw kitaen din iyan, tewalen din se menge sigalak din aw menge simbalay, kagi din, ‘Keilangan meluba kaw heman, so kinità ko den se kwarta netalon.’

Luc. 15:5

Pegkità din, ontò sikandin meluba aw ibingen din molì.

Juan 11:41

Penga niyan, inabat dan se bato insampeng te lebeng. Limengag si Jesus aw migtawal-tawal, “Amà, egpesiontong a te dinineg no den se pinemoyò ko kamno.

Mat. 3:7

Nayan, medita heman se egpengibing te simbahan te Judiyo dimoton ki Juan amon megpebonyag dan kandin. Sakop dan te menge Parisiyo aw Sadusiyo. Pegkità i Juan kandan, minikagi sikandin, “Tay law. Iling kaw te memokan egkadas te apoy. Eked kaw pekelowà lekat te pelumun te Timanem te modi aldaw singed aw megselsel kaw.