Luc. 10:2 - Manobo Sarangani

² Minikagi si Jesus diyà kandan, “Ontò dakel se geniyenen, aw pilabok se otaw meglegani. Timanem se tig-apò te pawà, aw keilangan megtawal-tawal kaw diyà kandin amon isogò din se menge doma otaw meglegani.

Luc. 10:2 ပူးပေါင်းရင်းမြစ်များ

1 Tesalonika 5:12

Menge kedowa day, doen pa ipunù day kenyo te keilangan segmanen niyo se menge otaw egpengibing kenyo, sìyan measeb otaw pinemallì te Pengolo tadon amon mengibing dan aw megtoladà dan kenyo.

Mar. 16:15

Penga niyan, minikagi si Jesus, “Doton kaw den te kebelad te keneyonan. Pegtoladà kaw te Mèpiya Indan tepad kanak diyà te kedita te otaw.

2 Timoteo 4:5

Meneng sikona, Timoteo, keilangan gayed ka tomaking te metòlid. Keilangan megpeketagad ka tomayod te kelimahan. Pegtoladà ka te Mèpiya Indan tepad ki Jesu Cristo. Toman ka te kedita insogò te Timanem kamno.

2 Tesalonika 3:1

Nayan menge kedowa day, pegtawal-tawal kaw tepad kenami, amon labi pa medita se otaw metaga-taga aw memenal te kebenalan ipegtoladà day tepad te Pengolo tadon, iling te neinang doton kenyo.

Mar. 13:34

Iling a te otaw domoton te mediyò ogpeanan. Te eked pa kesayo, doen ipunù din diyà te kedita te sineligan din, so doen inangen te teg sebad-sebad kandan te iyogan din. Megpunù heman sikandin te keilangan gayed megpeketagad se otaw egbantay te balay din.

1 Timoteo 4:10

Yan se doun te egpekagsen kidon te eg-inangen tadon so egseligan tadon se Timanem wedad temanan din. Sikandin se megpelowà te kedita te otaw, aw labi din pa ipelowà se kedita tadon egpemenal ki Jesu Cristo.

Ininang 22:21

Meneng minikagi se Pengolo, ‘Kesayo ka, so isogò ta doton te mediyò ogpeanan amon megtoladà ka te kagi ko diyà te menge otaw kenà Judiyo.’”

Ininang 20:28

Pekeimanday kaw. Pegtonggò kaw te kedita te otaw egpemenal, so Espiritu Santo se miggulal kenyo egpengibing amon mengibing kaw kandan. Ininang kidon din sakop din pineokit te pegkematay i Jesus.

Ininang 13:4

Insogò se didowa dan te Espiritu Santo aw yan timegbeng dan pesalo doton te Silusya, aw simakay dan te dakel belangay pesalo doton te polò iningedanan Sipro.

Ininang 13:2

Doen aldaw migpowasa se otaw egpemenal kidoen te Antyokya, aw megsimba dan te Pengolo. Dalem niyan, minikagi se Espiritu Santo diyà kandan, “Teniyi niyo kanak si Bernabe aw si Saulo, so doen ipeinang ko kandan.”

Ininang 11:19

Pegkematay i Esteban, pinemilang se menge otaw egpemenal. Pegkadas dan, migbilit-bilit dan doton te Fenisya, aw Sipro, aw Antyokya kidoen te Sirya. Mig-indan dan te kagi te Timanem diyà te doma dan menge Judiyo mig-ogpà kidoen.

Ininang 8:4

Pegkebilit te otaw egpemenal, migtoladà dan te menge doma otaw tepad ki Jesus pengkey kenan dan pesalo.

Luc. 9:1

Nayan, doen sebad aldaw migtipon si Jesus te sempolò teg dowa tinoledaan din, aw imbegay din diyà kandan se tolos amon megpelowà dan te bosaw lekat te otaw aw amon megpegolì dan te otaw doen mesakit.

Mar. 16:20

Penga niyan, nesayo se menge tinoledaan i Jesus lekat te Jerusalem aw migtoladà dan kidoen te kebelad te keneyonan, pengkey kenan dan pesalo. Tinebangan dan heman te Pengolo, so impetaga-taga din te benal se intoladà dan pineokit te menge pengilala ininang dan.]

Mat. 20:1

“Iling heman kani se peglowan te Timanem. Doen tig-apò te pawà tineneman te paras. Limapos sikandin nengemahà te menge otaw meglegani te paras din.

Filipos 2:25

Nayan, mig-aneng-aneng a den te mèpiya aw ipeolì ko si Epafrodito doton kenyo. Iling sikandin te kedowa ko, aw migtelaban kanak migtoladà tepad ki Cristo, aw egtolò heman te Pengolo tadon iling te pegtolò te sondalo. Insogò niyo sikandin dini amon megtabang kanak.

Filipos 2:21

Kedita te doma otaw dini, gayed dan eg-aneng-aneng tepad te kèpiyaan te kandan keogpà. Kenà dan eg-aneng-aneng tepad te inangen dan diyà ki Jesu Cristo.

1 Korinto 12:28

Se kedita tadon egpemenal ki Cristo, tinapid kidon te Timanem te mèpiya, so doen eg-inangen te teg sebad-sebad kenitadon. Monà te kedita, yan se sogounun i Cristo. Se ikedowa, yan se otaw egkeliwat te kagi te Timanem. Se iketelo, yan se otaw megtoladà te kebenalan. Tondog niyan se mekeinang te metolos inang, aw otaw binegayan te kebiyasa amon megpegolì te menge mesakit, aw otaw egpenabang te doma, aw otaw biyasa egpengolo, aw otaw mekeikagi te menge doma kagi eked din kelebeti.

Kolasas 1:29

Yan se doun te ontò a egpekagsen te pegtoladà ko kenyan pineokit te kagsen imbegay te Timanem kanak.

Filipos 2:30

so agpet sikandin nematay tandà te inang din tepad ki Cristo. Mepakay diyà kandin aw matay amon metoman din se ibeg niyo megtabang kanak.

Menge Hebreo 3:6

Meneng kenà sineligan te Timanem si Jesus, so Batà din sikandin. Insalig te Timanem kandin se pegpengibing te kedita te menge sakop te Timanem. Aw gayed kidon somalig diyà te egpelimanan tadon, ipetaga-taga tadon te sakop kidon din.

1 Tesalonika 2:9

Menge kedowa day, wedà niyo besi kelibeli te ontò kay migpekeaseb te peg-ogpà day doton kenyo. Pegtoladà day kenyo te Mèpiya Indan lekat te Timanem, gayed kay migterbaho te aldaw aw delem amon eked kaw kelimahi te pegpenogpò niyo kenami.

Kolasas 4:12

Minikagi heman si Epapras sebad heman sakop te probinsya niyo te dakel se pedowan din kenyo. Gayed sikandin egtolò te ibeg i Jesu Cristo. Egtawal-tawal sikandin aw ontò egpemoyò diyà te Timanem te melobos se pegpemenal niyo. Ibeg din ontò kaw metaga-taga te kedita te ibeg te Timanem diyà kenyo.

2 Korinto 6:1

Egtoloen ko se Timanem simogò kanak aw seini se ipegtoladà ko. Aw nekekinawà kaw te tabang te Timanem, pekitai niyo te doen ontong niyo pineokit te peg-inang niyo te metòlid.

1 Korinto 15:10

Meneng pineokit te tabang te Timanem kanak, ininang a din sogounun i Cristo. Doen detengan te tabang din kanak, so labi a pa measeb diyà te kedita te doma sogounun i Cristo te peg-inang ko. Meneng kenà lekat te kanak eneg se nebatog ko, so Timanem se migtabang kanak.

Filemon 1:1

Seini se solat day kamno, Filemon, sigalak day egtabang kenami. Se solat seini lekat kanak, si Pablo, kineleboso pa tandà te pegtaking ko ki Jesu Cristo, aw lekat heman te kedowa tadon te pegpemenal si Timoteo.

Impekità 2:1

Minikagi heman sikandin, “Solat ka te anghil egtonggò te menge sakop te simbahan kidoen te Efeso. Seini se kagi isolat nikaw. ‘Seini se kagi ko kenyo. Siak se eg-awid te pito bitoen diyà te kowanan ko, aw siak heman se egtonggò te pito solò bolawan.