Luc. 10:18 - Manobo Sarangani

¹⁸ Minikagi si Jesus, “Dimaeg kaw kandan so kinità ko se pegkedagdag i Satanas lekat te langit iling te kilem.

Luc. 10:18 ပူးပေါင်းရင်းမြစ်များ

Mat. 4:10

Meneng minikagi si Jesus, “Satanas, kesayo ka. Eked a pegsimba kamno, so doen kagi te Timanem insolat, ‘Timanem se Pengolo niyo aw sikandin se keilangan simbahen niyo, so sikandin olò se mepakay tekingan niyo.’”

Juan 12:31

Lekat seini, ipelumun te Timanem se kedita te poon din dini te keneyonan. Dàgen din heman se pengolo te medaet dini te keneyonan si Satanas.

Juan 16:11

Ipetaga-taga din heman te metoman dan ipelumun te Timanem, so dinaeg se pengolo te medaet dini te keneyonan.

Menge Hebreo 2:14

Sikitadon doen lawa egkematay se menge batà te Timanem sìyan. Yan migpekeotaw heman si Jesus amon matay sikandin, so pineokit te pegkematay din, dinaeg din den se eglekatan te kemetayun si Satanas.

1 Juan 3:8

Meneng sakop i Satanas se otaw gayed megpedeleg te peg-inang te salà, so gayed migpedeleg si Satanas te peg-inang te salà lekat te gebii te wedà pa inangi se keneyonan lamig songkani. Yan migpekeotaw se Batà te Timanem si Jesus amon pegbàtan din se kedita te medaet inang i Satanas.

Impekità 20:2

Dinakep din se nagan, yan se memokan gebii, si Satanas. Yan se ginapos din lamig mepenga se sebad melalan se omay.

Impekità 9:1

Penga niyan, mig-edop se ikelima anghil te bodyong din, aw doen kinità ko iling te bitoen kidoen te tanà, so nedagdag sikandin lekat te langit. Binegayan sikandin te konsì amon mekeowang te awang pesalo doton didalem te tanà wedad temanan te kedalem.