Luc. 10:16 - Manobo Sarangani

¹⁶ Minikagi heman si Jesus diyà te menge tinoledaan insogò din, “Aw menenalan se otaw diyà kenyo, siak heman se penenelanen din. Aw eked penenalan se otaw diyà kenyo, siak heman se eked din penenelani. Aw eked penenalan se otaw diyà kanak, eked din heman penenelani se Amay ko simogò kanak.”

Luc. 10:16 ပူးပေါင်းရင်းမြစ်များ

Juan 13:20

Eneng-enengi niyo se kagi ko kenyo. Aw megsagman se otaw te menge sogounun ko, segmanen a din heman. Aw megsagman se otaw kanak, segmanen din heman se Amay ko simogò kanak.”

Mat. 10:40

“Aw megsagman se otaw kenyo, segmanen a din heman. Aw megsagman se otaw kanak, segmanen din heman se Amay ko simogò kanak.

1 Tesalonika 4:8

Yan aw doen otaw eked tolò te punù sìyan, kenà otaw se egkuluwan din meneng egkuluwan din se Timanem nemegay kenyo te Espiritu Santo.

Juan 12:48

Meneng se otaw eked pemenal kanak aw eked heman tolò te kebenalan intoladà ko, yan se metoman ipelumun te temanan aldaw pineokit te kagi intoladà ko wedà din toloi.

Juan 12:44

Timawal si Jesus aw dakel se kagi din, “Aw memenal se otaw kanak, kenà olò siak se pemenalen din, meneng pemenalen din heman se Amay ko simogò kanak.

Mar. 9:37

“Aw megsagman se otaw te sakop ko iling te kedanà te sebad batà seini tandà te pegpesakop din kanak, pineokit kenyan segmanen a din heman. Aw megsagman se otaw kanak, kenà olò siaken se segmanen din, so segmanen din heman se Amay ko simogò kanak.”

Mat. 18:5

Aw megsagman se otaw te sakop ko iling te batà seini tandà te pegpesakop din kanak, pineokit kenyan segmanen a din heman.”

Ininang 5:4

Te wedà no pa pemeligyai se tanà, kamno pa iyan. Penga te pegpemeligyà no kenyan, kamno pa heman se kwarta. Wedad migleges kamno te pegpemegay no te kwarta. Meneng medaet den se aneng-aneng nikaw. Eden no aw olò otaw se pigkebolelawan nikaw, meneng Timanem se pigkebolelawan nikaw.”

Luc. 9:48

Penga niyan, minikagi si Jesus, “Aw megsagman se otaw te batà seini tandà te pegpesakop din kanak, pineokit kenyan segmanen a din heman. Aw megsagman se otaw kanak, segmanen din heman se Amay ko simogò kanak. Se otaw ontò megpedanà kidoen kenyo, yan se ontò melangkaw.”

Galasya 4:14

Pengkey nelimahan kaw so doen mesakit ko, meneng wedà a niyo lindoi. Mèpiya se pegsagman niyo kanak. Simpana doen anghil te Timanem aw kenà si Jesu Cristo lomaoy kenyo, iling te pegsagman niyo kandan se pegsagman niyo kanak kedengan.