Luc. 10:11 - Manobo Sarangani

¹¹ ‘Pengkey napò te tanà niyo dimeket diyà te benis day, tektaken day den, amon ketegahan niyo te doen salà niyo. Keilangan metaga-taga kaw te medapag den se peglowan te Timanem diyà kenyo, meneng kimulu kaw kenyan.’

Luc. 10:11 ပူးပေါင်းရင်းမြစ်များ

Mat. 10:14

Aw doen otaw eked pegsagman kenyo aw eked penenalan te itoladà niyo, tektaki niyo se napò te tanà lekat te sepatos niyo te pegkesayo niyo lekat te balay dan aw lonsod dan. Yan metaga-taga se otaw kidoen te doen salà dan, so wedà dan penenalan te intoladà niyo.

Mat. 10:7

Pengkey kenan kaw pesalo, pegtoladà kaw te agpet den lomowan se Timanem.

Mat. 3:2

“Pegselsel kaw den te menge salà ininang niyo, so agpet den lomowan se Timanem diyà kenitadon.”

Mar. 6:11

Aw doen otaw eked pegsagman kenyo, aw eked dan penenalan te itoladà niyo, tektaki niyo se napò te tanà lekat te sepatos niyo te pegkesayo niyo lekat te lonsod dan. Yan metaga-taga se otaw kidoen te doen salà ininang dan, so wedà dan penenalan kenyo.”

Luc. 10:10

Meneng aw eked kaw segmani te otaw doton te lonsod dotonan niyo, doton kaw te dalan aw ikagi kaw,

Luc. 10:9

Pegpegolì kaw te otaw doen mesakit. Ikagi kaw diyà kandan, ‘Medapag den se peglowan te Timanem diyà kenyo.’

Luc. 9:5

Aw doen otaw eked pegsagman kenyo, tektaki niyo se napò te tanà lekat te sepatos niyo te pegkesayo niyo lekat te lonsod dan. Yan metaga-taga se otaw kidoen te doen salà dan, so wedà dan penenalan te intoladà niyo.”

Ininang 13:26

“Penenalan kaw menge kedowa ko, menge bowad-bowad te kemonaan tadon si Abraham, aw kedita niyo egtolò te Timanem. Sikitadon se pinetega-tegahan te Timanem te doen den kelowaan lekat te salà.

Ininang 13:40

“Peg-ahà kaw amon eked kaw pelumuni iling te menge otaw in-indan te telekeliwat te kagi te Timanem,

Ininang 13:46

Meneng wedà pegketalaw si Pablo aw si Bernabe, so timaba dan, “Keilangan sikiyo Judiyo se onà day indanan te kagi te Timanem. Meneng wedà kaw penenalan kenyan so eked kaw keibeg te kaling pedowan wedad temanan ibegay te Timanem. Doun niyan, meg-indan kay den te kagi te Timanem diyà te menge doma otaw kenà Judiyo.

Ininang 13:51

Pegkesayo dan lekat kidoen, tinaktak dan se napò te tanà lekat te sepatos dan amon metaga-taga se otaw kidoen te doen salà dan so wedà dan penenalan te intoladà. Penga niyan, dimoton si Pablo aw si Bernabe te Ikonyo.

Roma 10:21

Doen heman kagi te Timanem insolat i Isaias tepad te menge Judiyo, kagi din, “Pengkey gayed a egtawal kandan amon megpedapag dan diyà kanak, meneng kenà dan egtolò so metugul dan.”

Roma 10:8

Doen heman kagi te Timanem insolat, “Kidoen kenyo se kagi te Timanem, so yan se egbelaw-belewayen niyo aw eg-eneng-enengen niyo.” Yan se kagi te Timanem ipegtoladà day te keilangan somalig kidon diyà ki Cristo.

Menge Hebreo 1:3

Pineokit heman kandin, ipegpekità se kelangkaw te Timanem, aw sikandin se egkitaan tadon te ketanem te Timanem. Sikandin se egbayà-bayà te kedita te neinang dini te keneyonan pineokit te kagi din metolos. Pegkepenga din te miglinis kenitadon lekat te salà, minolì sikandin doton te langit, aw minonsad sikandin kidoen te tangkil te Timanem Melangkaw amon lomowan doma din.