Luc. 1:74 - Manobo Sarangani

⁷⁴ te ipelowà kidon din lekat te belad te menge poon tadon, amon mekesimba kidon diyà kandin te wedad kelemitanan.

Luc. 1:74 ပူးပေါင်းရင်းမြစ်များ

2 Timoteo 1:7

Imbegay te Timanem se Espiritu Santo kenitadon kenà amon megketalaw kidon, meneng imbegay din amon megkagsen kidon, aw megkedakel se pedowan tadon, aw meketameng kidon te ibeg tadon.

Menge Hebreo 9:14

Meneng labi pa dakel se egkebatog pineokit te dipanog i Cristo, so lininisan kidon den lekat te salà. Pineokit te tabang te Espiritu Santo wedad temanan din, nemegay sikandin te kandin lawa diyà te Timanem, aw inimetayan sikandin pengkey wedad palos salà din. So lininisan kidon den lekat te salà pineokit te dipanog i Cristo, yan wedad den keilangan te pegsalig tadon diyà te inang wedad ontong, meneng simalig kidon den diyà te Timanem wedad temanan din.

Impekità 2:10

Ikà niyo egkelemitan te kelimahan agpet domateng kenyo. Doen menge otaw kidoen kenyo ipekeleboso i Satanas amon ketegahan aw ontò kaw egsalig kanak. Keilangan pemilangen kaw te eked kenamay, menge sempolò se aldaw. Pengkey imetayan kaw, salig kaw diyà kanak, so begayan ko sikiyo te ontong, sìyan korona te kaling pedowan wedad temanan.

Menge Hebreo 2:15

Nematay si Jesus amon ipelowà din se otaw gayed neallang te lamit te kemetayun.

Roma 8:15

Pegpemegay te Timanem te Espiritu Santo diyà kenyo, wedà kaw din inangi menge allang din, meneng ininang kaw din menge batà din. Yan se doun te wedad den kelemitanan niyo, so mepakay den aw Amà se itawal tadon te Timanem, so amay tadon den sikandin,

Luc. 1:71

te tebangan kidon din amon mekelowà kidon lekat te belad te poon tadon.

Roma 6:22

Meneng so impelowà kaw den te Timanem lekat te salà aw migpesakop kaw den diyà kandin, doen den ontong niyo, so ininang kaw din egpenimanem, aw yan begayan kaw din te kaling pedowan wedad temanan.

Luc. 1:73

so ontò migpakang diyà te kemonaan tadon si Abraham

Luc. 1:75

Ibeg din menimanem kidon aw metòlid se inangen tadon diyà kandin dalem te peg-ogpà tadon dini te keneyonan.