Luc. 1:7 - Manobo Sarangani

⁷ Wedad palos batà dan, so wedà pegbatà si Elisabet, aw lokes den, aw temoay den se esawa din.

Luc. 1:7 ပူးပေါင်းရင်းမြစ်များ

Menge Hebreo 11:11

Se esawa i Abraham si Sara simalig heman diyà te Timanem. Pengkey lokes den sikandin, meneng miglaman, so nemenal sikandin te egkeseligan se Timanem tomoman te impakang din.

Genesis 18:11

Ontò den temoay si Abraham, aw ontò den lokes si Sara. Wedad bayi tebawan aw mapet se omay din iling te omay i Sara.

Genesis 25:21

Nayan, wedad palos batà i Rebecca, aw yan migtawal-tawal si Isaac diyà te Timanem tepad kenyan. Nenenalan se Timanem te pinemoyò din, aw yan miglaman si Rebecca.

Genesis 17:17

Limongken si Abraham lamig minapet se olo din diyà te tanà. Nebebayat sikandin, so mig-aneng-aneng sikandin, “Pengkey sebad gatos se omay ko, meneng doen kedì batà ko tomebaw. Pengkey kesyaman se omay i Sara, meneng tebawan kedì sikandin te batà.”

Roma 4:19

Netaga-taga si Abraham te temoay sikandin, aw eked den sikandin pekebatà, so agpet den sebad gatos se omay din. Netegahan din heman te wedà lumun pegbatà se esawa din si Sara. Pengkey netegahan din iyan, wedà pegkelomay se pegsalig din diyà te Timanem.

Genesis 30:1

Pegketaga-taga i Raquel te wedad batà timebaw diyà kandin, miningà sikandin te kakay din. Minikagi sikandin diyà ki Jacob, “Aw eked a no pebetai, matay a.”

Luc. 1:5

Kedengan, dalem te peglowan i Herod kidoen te probinsya te Judiya, doen sebad pengolo te simbahan te Judiyo ngadan din si Zacarias. Sikandin se sebad pengolo te simbahan sakop te gropo i Abias. Doen esawa din si Elisabet, aw pengolo te simbahan se kemonaan din heman.

Luc. 1:6

Sìyan teleesawa, ontò dan nelubahan te Timanem so metòlid se eg-inangen dan. Wedad palos otaw mekesila kandan so ontò dan egtolò te menge punù te Pengolo.

Luc. 1:8

Dimateng se aldaw te pegpengibing i Zacarias te pegsimba, so migpetibos-tibosay se menge gropo te pengolo.