Luc. 1:65 - Manobo Sarangani

⁶⁵ Nelemitan se kedita te simbalay dan. Ontò iyan nedengeg kidoen te menge bontod doton te Judiya, so yan se pigsempetanen dan.

Luc. 1:65 ပူးပေါင်းရင်းမြစ်များ

Mat. 2:1

Timebaw si Jesus doton te lonsod te Bitlihim sakop te probinsya te Judiya dalem te peglowan te selotan si Herod. Nayan, doen menge otaw dimateng doton te Jerusalem lekat te mediyò ogpeanan doton te eglibtakan te aldaw. Sikandan se ontò biyasa tepad te pengilala te menge bitoen.

Luc. 1:39

Penga niyan te wedà kenamay, nesayo si Maria aw mig-ayas doton te bontod taman te sebad lonsod sakop te probinsya te Judiya.

Luc. 2:18

Nepela se kedita te otaw dimineg te in-indan te menge telediyaga.

Luc. 5:26

Ontò nepela se kedita dan, aw induyun dan se Timanem. Nelemitan dan aw migpebelaw-belaway dan, “Sebad indà se kinità tadon seini.”

Luc. 7:16

Nelemitan se kedita te otaw kimità kenyan, aw induyun dan se Timanem, kagi dan, “Migtabang den se Timanem kenitadon menge sakop din, so insogò din dini kenitadon se metolos telekeliwat te kagi din seini.”

Ininang 19:17

Nedengeg iyan doton te Efeso, aw netegahan iyan te kedita te Judiyo aw otaw kenà Judiyo. Nepela se kedita dan, aw induyun dan se ngadan te Pengolo si Jesus.

Ininang 2:43

Mig-inang se sogounun i Cristo te inang metolos aw kepelahan. Yan ontò nepela se kedita te otaw.

Ininang 5:11

Ontò nelemitan se kedita te otaw egpemenal aw kedita heman te doma otaw netaga-taga kenyan.

Ininang 5:5

Pegdineg i Ananias te kagi i Pedro, netongan sikandin aw nematay. Penga niyan, ginakes te menge telaki se lawa din, aw kinelalang dan iyan doton te lowà, aw inlebeng dan. Ontò nelemitan se kedita te otaw kimità kenyan.

Impekità 11:11

Meneng penga te telo se aldaw aw tengà, inantay dan te Timanem lekat te nematay, aw minenaw dan. Yan ontò nelemitan se kedita te otaw kimità kandan.