Luc. 1:58 - Manobo Sarangani

⁵⁸ Pegdineg te menge kedomaan din aw menge simbalay din kenyan, neluba dan heman so ontò sikandin neidowan te Timanem.

Luc. 1:58 ပူးပေါင်းရင်းမြစ်များ

Genesis 19:19

Pengkey ontò mèpiya se tabang niyo kanak, aw impelowà a niyo lekat te kededàtan, meneng kesàban a den te peg-igelà, aw matay a te eked a pa dateng doton te bontod.

Genesis 21:6

Minikagi si Sara, “Binegayan a den te Timanem te keluba, aw yan egkebebayat a den. Mebebayat heman se kedita te otaw domineg tepad kani tandà te keluba dan.”

Luc. 1:14

Yan se doun te ontò ka meluba, aw meluba heman se medita doma otaw aw tomebaw sikandin,

Luc. 1:25

Minikagi sikandin, “Ontò mèpiya se tabang te Pengolo kanak, so neidowan a din. Eked a den lindoi te doma otaw.”

Luc. 1:57

Nayan, pegdateng te aldaw te pegpetebaw i Elisabet, timebaw se batà din meama.

Luc. 14:12

Minikagi heman si Jesus diyà te otaw migpetanod kandin, “Aw meg-inang ka te dakel kànen, pengkey alas dosi aw delem, ikà egpetanod te menge sigalak no, aw kedowa no, aw menge gaked no, aw simbalay no meyeyaman. Aw yan se menge otaw ipetanod no, onawa se inangen dan kwani, so ipekaen ka dan heman iling te ininang no kandan.

Roma 12:15

Aw doen keluba te doma otaw, keilangan meluba kaw heman doma kandan. Aw doen kepuluk te doma otaw, keilangan mepuluk kaw heman doma kandan.

1 Korinto 12:26

Aw elegen se sebad, imenmanen te kedakel te lawa se kesakit. Aw iduyun se sebad, yan meluba se kedakel te lawa.