Luc. 1:51 - Manobo Sarangani

⁵¹ Ipetaga-taga din te metolos sikandin pineokit te eg-inangen din. Ipekadas din se menge otaw eg-aneng-aneng te melangkaw dan.

Luc. 1:51 ပူးပေါင်းရင်းမြစ်များ

Genesis 11:8

Yan tandà te peg-inang te Timanem kenyan, migbilit-bilit se kedita dan doton te kebelad te keneyonan, aw yan limengà dan te peg-inang dan te lonsod sìyan.

Genesis 6:5

Kinità te Timanem te ontò medaet se eg-inangen te kedita te otaw dini lanto te tanà, aw tomalag medaet se aneng-aneng aw ibeg dan te kelikit te aldaw.

Genesis 8:21

Peg-adek te Timanem te nadeg niyan, neluba sikandin, aw minikagi sikandin diyà te pedowan din, “Eked a todà pegpelumun te tanà tandà te medaet inang te otaw, so netegahan ko te gayed medaet se ibeg te pedowan te otaw lekat te pegtebaw dan. Eked a todà peg-igelà te kedita te otaw aw menenanap iling te ininang ko den.

Roma 1:21

Pengkey netaga-taga dan te doen Timanem, meneng wedà dan pegsagman kandin. Wedà dan heman pegpesiontong diyà kandin te keido din kandan. So kimulu dan, neinang kolang se aneng-aneng dan. Iling te mengitngit se aneng-aneng dan.

2 Korinto 10:5

Nekedaeg a te medaet aneng-aneng te menge otaw egpelangkaw-langkaw, aw kedita te ikegiyen te menge otaw eg-eked te kebenalan tepad te Timanem. Dinaeg se medaet aneng-aneng dan aw timolò dan ki Cristo.

1 Pedro 5:5

Sikiyo heman menge kaling otaw, keilangan toloen niyo se menge egpengibing te simbahan. Ikà niyo egpelangkaw-langkaw, meneng keilangan megpedanà se kedita niyo diyà te menge doma niyo, so doen kagi te Timanem insolat te meinang poon te Timanem se otaw egpelangkaw-langkaw, meneng egtebangan din se otaw egpedanà.

Impekità 18:8

Meneng yan se doun te dalem te sebad se aldaw, detengan sikandin te kededàtan, so ipelumun sikandin pineokit te mesakit, aw kelano, aw bayil. Mesonog heman sikandin te apoy, so ipelumun sikandin te Timanem metolos Pengolo.”