Luc. 1:42 - Manobo Sarangani

⁴² Timawal sikandin te dakel se kagi din, “Diyà te kedita te bayi, sikona se binegayan te Timanem te ontò dakel keluba. Begayan din heman te keluba se batà tomebaw diyà kamno.

Luc. 1:42 ပူးပေါင်းရင်းမြစ်များ

Genesis 22:18

Tebangan ko se kedita te otaw te keneyonan pineokit te bowad-bowad nikaw. Yan se inangen ko, so timolò ka te impunù ko kamno.”

Luc. 1:28

Dimoton si Gabriel ki Maria aw minikagi, “Doen keluba nikaw. Ontò ka neidowan te Timanem aw gayed ka din eg-ipaten.”

Luc. 1:41

Pegdineg i Elisabet te tawal din, miniwal se batà kidoen te getek din, aw dimateng se Espiritu Santo diyà ki Elisabet.

Luc. 1:43

Nepela a so pengkey sikona se inay te Pengolo ko, meneng limaoy ka kanak.

Luc. 1:48

so pengkey ontò a medanà diyà kandin, meneng neeneng-enengan a din. Yan se doun te mikagi se kedita te otaw te binegayan a te Timanem te ontò dakel keluba,

Luc. 19:38

Migpegais dan, “Iduyun se Selotan seini insogò te Pengolo tadon Timanem. Begayan kidon din te kelinaw te pedowan lekat te langit. Iduyun den se Timanem.”

Roma 9:5

Nedengeg se menge kemonaan dan pinemallì din gebii. Pegpekeotaw te Misiyas, timebaw sikandin diyà te kandan pongan. Sikandin se Timanem eglowan diyà te kedita. Iduyun sikandin te wedad temanan. Metoman iyan.

Menge Hebreo 12:2

Keilangan tomaking kidon ki Jesus, so sikandin se ontò tadon peg-ilingan te pegsalig tadon diyà te Timanem, aw meinang heman melobos se pegsalig tadon diyà te Timanem pineokit te tabang i Jesus. Timayod sikandin te kelimahan te peglansang kandin doton te kros. Wedà sikandin keyàyà te neinang diyà kandin, meneng timayod sikandin te peg-imatay kandin, so netegahan din te meluba sikandin aw mepenga se kedita niyan. Egpenenoo den sikandin kidoen te tangkil te Timanem Amay din aw eglowan doma din.