Luc. 1:41 - Manobo Sarangani

⁴¹ Pegdineg i Elisabet te tawal din, miniwal se batà kidoen te getek din, aw dimateng se Espiritu Santo diyà ki Elisabet.

Luc. 1:41 ပူးပေါင်းရင်းမြစ်များ

Genesis 25:22

Doen pingin diyà te belenakan din, aw iling te migbolaw dan te wedà dan pa tebaw. Minikagi si Rebecca, “Nengà lay neinang ini diyà kanak?” Penga niyan, mig-insà sikandin diyà te Timanem tepad kenyan.

Luc. 1:15

so ipelangkaw sikandin te Pengolo. Eked palos inem te bino aw pengkey eden se mekelasing. Meneng gayed sikandin egbeyà-beyaan te Espiritu Santo lekat te pegtebaw din.

Luc. 1:40

Pegdateng din doton, nenayit te balay te emayen din si Zacarias aw timawal ki Elisabet.

Luc. 1:42

Timawal sikandin te dakel se kagi din, “Diyà te kedita te bayi, sikona se binegayan te Timanem te ontò dakel keluba. Begayan din heman te keluba se batà tomebaw diyà kamno.

Luc. 1:44

Pegdineg ko te kagi no, miniwal se batà kidoen te getek ko tandà te luba din.

Luc. 1:67

Nayan, dimateng se Espiritu Santo diyà ki Zacarias, aw ingkeliwat din se kagi te Timanem, kagi din,

Luc. 4:1

Egbeyà-beyaan si Jesus te Espiritu Santo. Pegkesayo din lekat te wayeg te Jordan, inibing sikandin te Espiritu Santo doton te kebigtilan.

Ininang 2:4

Yan dimateng se Espiritu Santo kandan. Nekeikagi den dan te medita kemolò kagi te doma otaw wedà dan peg-ilingi, so impeikagi dan te Espiritu Santo.

Ininang 4:8

Penga niyan, tinebangan te Espiritu Santo si Pedro aw yan minikagi, “Menge egpengibing aw obanen te simbahan,

Ininang 6:3

Menge kedowa day, mèpiya aw pemellien niyo se pito meama, sìyan mèpiya otaw egbeyà-beyaan te Espiritu Santo aw ontò biyasa. Penga niyan, sikandan se meneped te togpò,

Ininang 7:55

Meneng gayed egbeyà-beyaan te Espiritu Santo si Esteban. Peglengag din doton te langit, kinità din se kelangkaw te Timanem aw si Jesus timangkil kandin.

Ininang 9:17

Penga niyan, dimoton si Ananias te balay inogpaan i Saulo. Peg-awop din, pinemàdan din si Saulo aw minikagi, “Kedowa ko, insogò a te Pengolo si Jesus, sìyan migpekità diyà kamno doton te dalan. Insogò a din dini kamno amon todà ka komità, aw amon domateng se Espiritu Santo kamno.”

Efeso 5:18

Ikà niyo eglasing, so mekedaet iyan kenyo. Meneng keilangan beyà-beyaan kaw te Espiritu Santo.

Impekità 1:10

Aldaw te Linggo te pegsimba diyà te Pengolo tadon, doen impekità te Espiritu Santo dimateng kanak. Doen dinineg ko minikagi kidoen te getan ko. Iling te peg-edop te bodyong se peg-ikagi din, so ontò dakel.