Luc. 1:36 - Manobo Sarangani

³⁶ Nayan, se inayen no si Elisabet, pengkey wedà sikandin pegbatà aw lokes den, meneng miglaman den te enem pa se bolan.

Luc. 1:36 ပူးပေါင်းရင်းမြစ်များ

Luc. 1:5

Kedengan, dalem te peglowan i Herod kidoen te probinsya te Judiya, doen sebad pengolo te simbahan te Judiyo ngadan din si Zacarias. Sikandin se sebad pengolo te simbahan sakop te gropo i Abias. Doen esawa din si Elisabet, aw pengolo te simbahan se kemonaan din heman.

Luc. 1:35

Timaba se anghil, “Domateng se Espiritu Santo kamno, aw ketebangan ka te tolos te Timanem. Yan se doun te menimanem se batà tomebaw kamno, aw sikandin se Batà te Timanem.

Luc. 1:37

Wedad palos eked kebatog te Timanem.”

Genesis 11:30

Wedad batà i Sarai, so eked sikandin pegbatà.

Genesis 16:1

Nayan, wedad palos batà i Sarai aw si Abram. Meneng doen allang bayi i Sarai ngadan din si Agar tege Ehipto.

Genesis 18:11

Ontò den temoay si Abraham, aw ontò den lokes si Sara. Wedad bayi tebawan aw mapet se omay din iling te omay i Sara.

Genesis 21:2

Miglaman sikandin, aw tinebawan sikandin te batà meama i Abraham, pengkey temoay den sikandin. Timebaw se batà te aldaw tapay impakang te Timanem tepad kenyan.

Menge Hebreo 11:11

Se esawa i Abraham si Sara simalig heman diyà te Timanem. Pengkey lokes den sikandin, meneng miglaman, so nemenal sikandin te egkeseligan se Timanem tomoman te impakang din.