Luc. 1:33 - Manobo Sarangani

³³ Lomowan sikandin diyà te kedita te bowad-bowad i Jacob te wedad temanan. Wedad palos temanan te peglowan din.”

Luc. 1:33 ပူးပေါင်းရင်းမြစ်များ

Menge Hebreo 1:8

Meneng kenà onawa se inikagi te Timanem tepad te Batà din, so minikagi sikandin, “Sikona Timanem se lomowan te wedad temanan. Metòlid se peglowan nikaw.

Impekità 11:15

Penga niyan, mig-edop se ikepito anghil te bodyong din, aw doen medita dinineg ko kidoen te langit aw ontò dakel se kagi dan, “Se kedita te otaw te keneyonan nesakop den te peglowan te Pengolo tadon aw peglowan te Misiyas pinemallì din. Lomowan sikandin te wedad temanan.”

Mat. 28:18

Migpedapag si Jesus diyà kandan aw minikagi, “Impelowan a den diyà te kedita doton te langit aw dini heman te lanto te tanà.

Galasya 3:29

So migsebad den se pedowan niyo diyà ki Cristo, nekeakop kaw den diyà te menge bowad-bowad i Abraham, aw begayan kaw heman te mèpiya impakang te Timanem.

Roma 9:6

Nayan, pengkey doen menge Judiyo wedà salig diyà ki Cristo, meneng eked a ikagi te wedà ketoman te Timanem se pakang din. Kenà kedita te bowad-bowad i Israel se pinemallì te Timanem.

Galasya 6:16

Timanem se egpemegay te kelinaw te pedowan aw keido. Ibeg ko, ibegay din iyan diyà te kedita te otaw egpemenal aw tomaking te kebenalan insolat ko seini, pengkey diyà te menge Judiyo aw menge otaw kenà Judiyo.

Filipos 3:3

Meneng sikitadon se doen pengilala te ontò kidon sakop te Timanem, so egsimba kidon te Timanem pineokit te tabang te Espiritu Santo, aw doen den keluba tadon lekat ki Jesu Cristo. Impelowà kidon den lekat te salà, meneng kenà iyan pineokit te pegtolò tadon te punù ingkeliwat i Moises.

Mat. 1:1

Seini se ngadan te menge kemonaan i Jesu Cristo. Si Jesus se sebad diyà te menge bowad-bowad i David, aw menge bowad-bowad i Abraham.

Luc. 1:34

Minikagi si Maria, “Menonen lay iyan? So wedà a pa lumun layok te meama.”