Luc. 1:22 - Manobo Sarangani

²² Peglowà din, wedà sikandin pekeikagi, aw netegahan dan te doen migpekità diyà kandin lekat te langit. Meneng gayed sikandin siminyas diyà kandan te belad din, so neomo.

Luc. 1:22 ပူးပေါင်းရင်းမြစ်များ

Luc. 1:21

Nayan, se menge otaw kidoen te lowà te dakel simbahan, migtagad dan pa te peglowà din, aw nepela dan so nenamay sikandin doton didalem.

Luc. 1:23

Pegkepenga te pegpengibing i Zacarias kidoen te dakel simbahan, minolì sikandin.

Luc. 1:62

Penga niyan, siminyas dan diyà ki Zacarias bingelen pa aw eden se ibeg din iingadan.

Juan 13:24

Kimapay si Pedro kandin, aw minikagi, “Insai si Jesus aw sinu otawi se nepeselowan te inikagi din.”

Ininang 12:17

Intakyaw i Pedro se belad din amon mepenek dan, aw in-indan din diyà kandan se pegpelowà te Pengolo kandin lekat te keleboso. Minikagi heman sikandin, “Indani niyo si Santiago aw menge doma otaw egpemenal.” Penga niyan, nesayo si Pedro aw dimoton te doma ogpeanan.

Ininang 19:33

Impetindeg te menge Judiyo se doma dan si Alejandro doton te monà. Penga niyan, intakyaw din se belad din amon mepenek dan, so ibeg din mikagi diyà te otaw netipon.

Ininang 21:40

Neibeg se kapitan, aw yan timindeg si Pablo doton te lelebangan. Intakyaw din se belad amon ketegahan dan te doen ikegiyen din kandan. Pegkepenek dan, minikagi si Pablo te kagi te Hebreo, so yan se kagi te menge Judiyo.