Luc. 1:20 - Manobo Sarangani

²⁰ Nayan, so wedà ka pemenal te inikagi ko gina diyà kamno, lekat seini meinang ka den bingelen aw omo lamig metoman se kagi ko, so ontò iyan metoman aw domateng se aldaw tapay pinemallì te Timanem.”

Luc. 1:20 ပူးပေါင်းရင်းမြစ်များ

Mar. 16:14

Penga niyan, migpekità si Jesus diyà te sempolò tegusà tinoledaan din dalem te pegpengaen dan. Simila sikandin kandan so wedà dan pemenal aw magsen se olo dan, so wedà dan pemenal te kagi te menge otaw kimità kandin penga te pegkeantay din lekat te nematay.

Mar. 9:19

Minikagi si Jesus, “Tay law, sikiyo menge otaw. Wedà kaw pa salig kanak. Eked den kenamay se pegdoma ko kenyo, meneng keilangan tomayod a pa pengkey eked kaw pemenal. Na, pedinihi se batà nikaw.”

Luc. 1:19

Timaba se anghil, “Siak si Gabriel, aw gayed a ipegsogò te Timanem. Insogò a din dini kamno amon ipetaga-taga ko kamno se mèpiya indan sìyan.

Luc. 1:21

Nayan, se menge otaw kidoen te lowà te dakel simbahan, migtagad dan pa te peglowà din, aw nepela dan so nenamay sikandin doton didalem.

Luc. 1:22

Peglowà din, wedà sikandin pekeikagi, aw netegahan dan te doen migpekità diyà kandin lekat te langit. Meneng gayed sikandin siminyas diyà kandan te belad din, so neomo.

Luc. 1:45

Doen den keluba nikaw, so nemenal ka te metoman se kagi ingkeliwat diyà kamno lekat te Pengolo.”

Luc. 1:64

Pegketà negolian se pegkeomo din aw nekeikagi aw dimuyun sikandin te Timanem.

Roma 3:3

Benal doen menge Judiyo kenà egsalig kenyan, meneng ikà niyo eg-aneng-aneng te eked keseligi se Timanem.

2 Timoteo 2:13

Pengkey kenà kidon egkeseligan, meneng gayed sikandin egkeseligan, so eked sikandin pegtodà te inikagi din.”

Tito 1:2

Insogò a amon ipetaga-taga ko kandan te doen egpelimanan tadon, sìyan kaling pedowan wedad temanan impakang te Timanem gebii. Kenà egkebolalaw se Timanem,

Menge Hebreo 6:18

Yan dowa se ininang din. Migpakang sikandin, aw impesipat din se kandin ngadan diyà te pakang din. Pineokit te didowa sìyan, netegahan tadon te eked palos ketodà se pakang din, aw eked palos heman sikandin pegkebolalaw. Yan se doun te megkagsen se pedowan te kedita tadon migpesakop diyà kandin, aw melobos se pegpeliman tadon te impakang din.

Impekità 3:19

Se kedita te otaw nedekelan ko te pedowan, yan se gayed ko egsegdahen, aw egtoledaan ko dan heman. Yan keilangan measeb kaw aw megselsel kaw, amon eked ko sikiyo pelumuni.