Luc. 1:13 - Manobo Sarangani

¹³ Meneng minikagi se anghil, “Zacarias, ikà egkelemitan. Nenenalan se Timanem te intawal-tawal nikaw. Doen batà no meama tomebaw diyà te esawa no, aw keilangan ingedanan no sikandin ki Juan.

Luc. 1:13 ပူးပေါင်းရင်းမြစ်များ

Genesis 17:10

Seini se pengilala tepad te pakang ko keilangan inangen no sipat te kedita te bowad-bowad nikaw. Keilangan tolien se kedita te meama kidoen kamno.

Genesis 17:19

Meneng minikagi se Timanem, “Esawa no si Sara se tebawan te batà no meama, aw ingedanan no se batà no sìyan ki Isaac (kelebadan niyan, nebebayat). Sikandin aw menge bowad-bowad din se ketomanan te pakang ko te wedad temanan.

Genesis 18:14

Wedad palos eked kebatog te Timanem. Doen inangen ko metolos te modi omay, so doen batà meama tomebaw diyà ki Sara.”

Genesis 25:21

Nayan, wedad palos batà i Rebecca, aw yan migtawal-tawal si Isaac diyà te Timanem tepad kenyan. Nenenalan se Timanem te pinemoyò din, aw yan miglaman si Rebecca.

Mat. 1:21

Doen batà meama tomebaw diyà kandin ingedanan no ki Jesus, so sikandin se megpelowà te otaw lekat te salà.”

Mat. 14:27

Meneng pegketà timawal si Jesus, “Peseligi niyo se pedowan niyo, so siaken ini. Ikà niyo egkelemitan.”

Mat. 28:5

Na, pegdateng te didowa bayi doton te lebeng, minikagi se anghil, “Ikà niyo egkelemitan. Netegahan ko te inahà niyo si Jesus, sìyan inlansang diyà te kros.

Mar. 16:6

Penga niyan, minikagi se anghil, “Ikà niyo egkepela. Netegahan ko te inahà niyo si Jesus tege Nasarit, sìyan inlansang diyà te kros. Wedad den sikandin dini, so neantay den lekat te nematay. Tengtengi niyo den se linebengan kandin.

Luc. 1:14

Yan se doun te ontò ka meluba, aw meluba heman se medita doma otaw aw tomebaw sikandin,

Luc. 1:30

Minikagi heman se anghil, “Maria, ikà egkelemitan, so pinemallì ka te Timanem amon tebangan ka din.

Luc. 2:21

Pegdateng te ikewalo te aldaw lekat te pegtebaw din, tinolì sikandin aw iningedanan ki Jesus, so yan se ngadan inikagi te anghil te wedà pa peglaman se inay din.

Ininang 10:31

aw minikagi diyà kanak, ‘E Cornelio, dinineg te Timanem se pegtawal-tawal no kandin, aw netegahan din heman se keido no diyà te menge Judiyo nelimahan.