Kolasas 4:8 - Manobo Sarangani

⁸ Isogò ko sikandin doton kenyo, amon entagen din se pedowan niyo pineokit te peg-indan din kenyo tepad te keogpà day.

Kolasas 4:8 ပူးပေါင်းရင်းမြစ်များ

1 Korinto 4:17

Yan insogò ko si Timoteo doton kenyo. Iling sikandin te batà ko egkedekelan ko te pedowan, aw egkeseligan sikandin te pegtaking din te Pengolo tadon. Ipeaneng-aneng kaw din te eg-inangen ko te pegtaking ko ki Jesu Cristo, aw yan se ipegtoladà ko doton te kedita te simbahan pengkey kenan a pesalo.

2 Korinto 1:4

Pengkey eden se kelimahan ko, ontò a din egtebangan. Yan pengkey eden se kelimahan te doma otaw, meketabang a heman kandan pineokit te tabang imbegay te Timanem kanak.

2 Korinto 12:18

Lekat te ibeg ko, impedoton ko kenyo si Tito aw sìyan sebad kedowa tadon insogò ko doma kandin, meneng wedad pinemoyò din diyà kenyo. Onawa se eg-inangen day si Tito, so egsebad se pedowan day.

2 Korinto 2:7

Mèpiya aw pegwedaden niyo den se salà ininang din. Sinelayi niyo se pedowan din amon eked sikandin lengà te pegpemenal so pelaban nelidò se pedowan din.

Efeso 6:22

Isogò ko den sikandin doton kenyo amon metaga-taga kaw tepad te peg-ogpà day dini, aw amon meluba se pedowan niyo.

Filipos 2:28

Yan ontò a meibeg megsogò kandin doton kenyo amon meluba kaw te pegkità niyo kandin. Aw meluba kaw, meowà se ketetana ko tepad kenyo.

Kolasas 2:2

Ibeg ko megkagsen se pedowan niyo somalig diyà ki Cristo aw megpedekelay kaw te pedowan. Ibeg ko heman ontò niyo ketegahan se kebenalan tepad ki Cristo, so yan se kaling impetaga-taga din.

1 Tesalonika 2:11

Netegahan niyo heman te mèpiya se ininang day diyà te teg sebad-sebad kenyo, iling te eg-inangen te mèpiya amay diyà te menge batà din.

1 Tesalonika 3:2

aw yan insogò day si Timoteo doton kenyo. Sikandin se kedowa tadon sineligan heman te Timanem te pegtoladà te Mèpiya Indan tepad ki Cristo. Insogò day sikandin meg-antag te pedowan niyo amon melobos se pegtaking niyo te Timanem,

1 Tesalonika 3:5

Yan se doun te insogò ko si Timoteo doton kenyo. So ontò a dimela kenyo, insogò ko sikandin amon metaga-taga a tepad te pegtaking niyo te Timanem, so netetana a aw neekalan kaw i Satanas, aw yan nebàtan besi se nebatog day doton kenyo.

1 Tesalonika 4:18

Yan pegpetaga-taga kaw te menge otaw nemetayan te inikagi ko seini amon mesinalay dan.

1 Tesalonika 5:11

Yan pegpeentagay kaw te pedowan, aw pegpetebangay kaw, iling te eg-inangen niyo den.

1 Tesalonika 5:14

Menge kedowa day, ibeg day megpunù kaw te menge otaw metaka te keilangan megpekeaseb dan. Peg-antag kaw te pedowan te menge otaw migkegenaw se pedowan. Pegtabang kaw te menge otaw kenà melobos se pegtaking dan te Timanem. Pekeleyati niyo se pedowan niyo diyà te kedita te otaw.