Kolasas 4:7 - Manobo Sarangani

⁷ Aw domateng doton kenyo se kedowa tadon te pegpemenal si Tikico, sikandin se meg-indan kenyo tepad te keogpà ko dini. Egkeseligan sikandin egtoladà, aw egkedekelan tadon sikandin te pedowan. Sikandin se doma ko eg-inang te ibeg te Pengolo tadon.

Kolasas 4:7 ပူးပေါင်းရင်းမြစ်များ

Ininang 20:4

Doen menge otaw timaking kandin pesalo doton te Jerusalem, yan se batà i Piro si Sopater tege Berya, aw si Aristarco aw si Segundo didowa dan tege Tesalonika, aw si Gayo tege Derbe, aw si Tikico aw si Trofimo didowa dan tege Asya, aw si Timoteo.

Filipos 2:25

Nayan, mig-aneng-aneng a den te mèpiya aw ipeolì ko si Epafrodito doton kenyo. Iling sikandin te kedowa ko, aw migtelaban kanak migtoladà tepad ki Cristo, aw egtolò heman te Pengolo tadon iling te pegtolò te sondalo. Insogò niyo sikandin dini amon megtabang kanak.

Kolasas 1:7

Yan se intoladà i Epapras kenyo. Sikandin heman se sineligan i Cristo, aw dakel se pedowan tadon kandin. Sikandin se egseligan day insogò day doton kenyo amon megtoladà tepad ki Cristo.

Kolasas 4:12

Minikagi heman si Epapras sebad heman sakop te probinsya niyo te dakel se pedowan din kenyo. Gayed sikandin egtolò te ibeg i Jesu Cristo. Egtawal-tawal sikandin aw ontò egpemoyò diyà te Timanem te melobos se pegpemenal niyo. Ibeg din ontò kaw metaga-taga te kedita te ibeg te Timanem diyà kenyo.

Kolasas 4:9

Isogò ko heman se kedowa tadon te pegpemenal si Onesimo tomaking kandin. Egkeseligan heman sikandin aw egkedekelan tadon te pedowan. Sikandin se tege doton kenyo. Didowa dan se meg-indan kenyo aw eden se eg-inangen day dini.

2 Timoteo 4:12

Insogò ko si Tikico doton te Efeso.

Tito 3:12

Isogò ko si Artemas aw kenà si Tikico domoton kamno. Penga niyan, penamal ka se lomagbak kanak doton te Nicopolis, so ibeg ko meg-ogpà a doton dalem te pengodan.