Kolasas 4:5 - Manobo Sarangani

⁵ Keilangan mèpiya se eg-inangen niyo diyà te menge doma otaw kenà egpemenal. Peg-indan kaw kandan tepad ki Cristo te pengkey eden eldawi.

Kolasas 4:5 ပူးပေါင်းရင်းမြစ်များ

Mat. 10:16

“Nayan, peg-ahà kaw amon eked kaw pemilangi te menge mededaet otaw, so iling kaw te ayam-ayam karniro binenganan te menenanap te kebenesan iningedanan lobo. Yan keilangan ontò kaw megpekebiyasa, aw keilangan wedad palos inangen niyo medaet.

Mar. 4:11

Minikagi si Jesus, “Sikiyo se pinetega-tegahan te Timanem te kebenalan tepad te peglowan din. Meneng olò pineokit te tegdeyanan se pegtoladà ko te doma otaw

Roma 16:19

Nedengeg kaw den so egtolò kaw te kebenalan pig-ilingan niyo, aw ontò a neluba kenyan. Ibeg ko ontò kaw megkebiyasa meg-inang te mèpiya, aw wedad toig niyo meg-inang te medaet.

Kolasas 3:16

Keilangan isawol niyo diyà te pedowan niyo se kagi intoladà i Cristo. Pegpetoledaay kaw te kedita te kebenalan, aw pegpesegdahay kaw heman. Pekitai niyo te egpesiontong kaw diyà te Timanem pineokit te pegdelangan niyo diyà kandin.

1 Tesalonika 4:12

Aw yan se inangen niyo, segmanen kaw te menge doma otaw, pengkey wedà dan pa pemenal, aw yan wedad heman keilangan te pegpemoyò niyo te kepulukan niyo diyà te doma otaw.

1 Timoteo 3:7

Keilangan mèpiya se eg-inangen din amon segmanen sikandin te menge otaw kenà egpemenal, so aw pemellien se otaw kenà egsegmanen, mekeyèyaay besi sikandin aw keekalan i Satanas.

Santiago 1:5

Meneng aw doen otaw kidoen kenyo detengan te kelimahan, aw wedà ketaga-taga aw eden se inangen din, mèpiya aw memoyò sikandin diyà te Timanem amon ibegay din kandin se kebiyasa, so gayed egpemegay se Timanem diyà te kedita te otaw memoyò. Bowasag sikandin diyà kandan, aw eked din dan heman peyàyai.

Santiago 3:13

Aw doen otaw kidoen kenyo biyasa egtoladà, mèpiya aw ipekità din iyan pineokit te mèpiya inang din. Aw metinuud sikandin, yan ketegahan te ontò sikandin biyasa.

Santiago 3:17

Meneng se otaw doen kebiyasa lekat te Timanem, yan se otaw kenà eg-inang te medaet, kenà egsamok, gayed mèpiya se pedowan din, kenà metugul, gayed egkeido aw egpenabang te doma, kenà egdowa-dowa, meneng melobos se pedowan din.

1 Pedro 3:1

Sikiyo heman menge bayi doen esawa, keilangan tomolò kaw te kenyo esawa, amon pengkey wedà dan pa tolò te kagi te Timanem, meneng meibeg dan memenal pineokit te pegkità dan te metòlid eg-inangen niyo. Wedad keilangan te mikagi kaw diyà kandan tepad te kagi te Timanem,