Kolasas 4:3 - Manobo Sarangani

³ Pegtawal-tawal kaw heman tepad kenami, amon doen aldaw ibegay te Timanem kenami te pegtoladà day te kagi din, sìyan kebenalan tepad ki Cristo wedà din petega-tegahi gebii. Kineleboso a pa seini tandà te pegtoladà ko te kebenalan sìyan.

Kolasas 4:3 ပူးပေါင်းရင်းမြစ်များ

Ininang 14:27

Pegdateng dan doton te Antyokya, pigtipon dan se kedita te otaw egpemenal amon meg-indan dan te kedita te ininang te Timanem pineokit kandan, so tinebangan dan te Timanem te peg-indan dan te menge otaw kenà Judiyo, aw yan nemenal dan heman te kagi te Timanem.

Kolasas 1:26

Yan se kebenalan wedà din petega-tegahi diyà te menge otaw gebii lamig songkani. Meneng impetaga-taga din den iyan diyà te menge sakop din,

2 Korinto 2:12

Nayan, pegdoton ko te Troas amon megtoladà a te Mèpiya Indan tepad ki Cristo, kinità ko te doen dalan impetagad te Pengolo kanak amon megtoladà a.

2 Timoteo 2:9

So migtoladà a te Mèpiya Indan sìyan, nelimahan a den aw kineleboso a den iling te telebonò. Pengkey ginapos a, meneng eked kesagda se pegtoladà te kagi te Timanem.

Filipos 1:7

Mèpiya se eg-eneng-enengen ko tepad te kedita niyo, so gayed dakel se pedowan ko kenyo. Tinebangan kaw te Timanem aw tinebangan a din heman, pengkey te pegkeleboso kanak, aw pegpetaga-taga ko te benal se Mèpiya Indan tepad ki Cristo.

Efeso 4:1

Nayan, siak se nekeleboso tandà te pegtaking ko te Pengolo, aw yan memoyò a diyà kenyo te keilangan gayed mèpiya se kedita te eg-inangen niyo, sìyan ibeg te Timanem, so yan se tod din te pegtawal din kenyo.

1 Korinto 16:9

so ontò measeb se otaw dini menenalan te itoladà ko, aw doen pa medita inangen ko, pengkey medita se otaw meibeg megsagda kanak.

1 Korinto 4:1

Yan keilangan meg-aneng-aneng kaw te sikami si Apolos se insogò i Cristo, aw insalig te Timanem kenami se kebenalan ipegtoladà day kenyo.

1 Tesalonika 5:25

Menge kedowa day, pegtawal-tawal kaw heman diyà te Timanem tepad kenami.

Mat. 13:11

Timaba si Jesus, “Sikiyo se pinetega-tegahan te Timanem te kebenalan tepad te peglowan din. Meneng wedà din petega-tegahi se doma otaw te kebenalan tepad te peglowan din.

Filemon 1:22

Doen pa pemoyoen ko kamno seini. Petegadi a te ibetanan doton kamno, so nemenal a te ipelowà a lekat dini tandà te pegtawal-tawal niyo diyà te Timanem tepad kanak amon mekedoton a kenyo.

Filipos 1:19

so netegahan ko te pengkey nelimahan a, meneng ipelowà a kwani pineokit te pegtawal-tawal niyo, aw pineokit te tabang te Espiritu i Jesu Cristo.

2 Timoteo 1:16

Meneng ibeg ko keidowan te Pengolo tadon si Onesiforo aw pamilya din, so pegdateng din dini te Roma, nengemahà sikandin kanak lamig kinità a din. Melikit sikandin eglaoy kanak aw neantag se pedowan ko pineokit kandin. Wedà sikandin keyàyà pengkey kineleboso a.

Efeso 3:1

Na, siak si Pablo, kineleboso a so egtaking a ki Jesu Cristo aw migtoladà a tepad kandin diyà kenyo menge otaw kenà Judiyo.

Roma 16:25

Na, iduyun tadon se Timanem. Sikandin olò se mekelobos te pegsalig niyo diyà kandin pineokit te Mèpiya Indan ipegtoladà ko tepad ki Jesu Cristo, aw pineokit te kebenalan nenamay wedà petega-tegahi te Timanem gebii.

Efeso 3:3

Netegahan niyo den heman te doen kebenalan impetaga-taga te Timanem diyà kanak pengkey wedà iyan petega-tegahi gebii. Simolat a den te mebabà olò tepad kenyan diyà te solat ko seini.

Efeso 3:4

Aw megbasa kaw kenyan, ketegahan niyo heman se netegahan ko tepad ki Cristo wedà petega-tegahi gebii.

Efeso 3:9

Insogò a din amon ipetaga-taga ko diyà te kedita te otaw aw eden se tod te Timanem mig-inang te kedita. Wedà din petega-tegahi diyà te otaw gebii aw eden se tod din,

Kolasas 4:18

Siak si Pablo se simolat te temanan te solat ko kenyo seini. Ikà niyo egkelibel te kineleboso a pa. Ibeg ko tebangan kaw te Timanem.

2 Timoteo 4:2

Pegtoladà ka te kagi te Timanem. Keilangan megpeketagad ka megtoladà kenyan pengkey meibeg aw eked keibeg se menge otaw menenalan. Pegpetaga-taga ka diyà te menge otaw te kemalì dan. Pegsagda ka te otaw eg-inang te medaet. Peg-antag ka te pedowan te menge otaw kenà melobos se pedowan dan. Keilangan gayed medalem se pedowan no dalem te pegtoladà no kandan.