Kolasas 4:12 - Manobo Sarangani

¹² Minikagi heman si Epapras sebad heman sakop te probinsya niyo te dakel se pedowan din kenyo. Gayed sikandin egtolò te ibeg i Jesu Cristo. Egtawal-tawal sikandin aw ontò egpemoyò diyà te Timanem te melobos se pegpemenal niyo. Ibeg din ontò kaw metaga-taga te kedita te ibeg te Timanem diyà kenyo.

Kolasas 4:12 ပူးပေါင်းရင်းမြစ်များ

Mat. 5:48

Yan, keilangan melobos se pedowan niyo iling te kelobos te pedowan te Amay niyo Timanem doton te langit.”

Luc. 1:1

Elew Teofilo. Medita den se otaw simolat tepad te neinang dini kenami.

Luc. 22:44

Ontò mebegat se pedowan din, aw yan se doun te ontò sikandin migtawal-tawal. Ontò sikandin pig-etingan iling te pegtedak te dipanog.]

Juan 12:26

Aw meibeg se otaw meinang sogounun ko, keilangan tomaking kanak, so pengkey kenan a pesalo, doton heman se sogounun ko. Iduyun te Amay ko se sogounun ko.”

Roma 15:14

Menge kedowa ko, netegahan ko den te gayed mèpiya se eg-inangen niyo, aw tinoledaan kaw te kebenalan tepad te Timanem, aw mekebatog kaw heman megpetoledaay.

Roma 15:30

Menge kedowa ko, doen pemoyoen ko diyà kenyo tandà te pegsebad tadon diyà te Pengolo tadon si Jesu Cristo, aw tandà te pegpedekelay tadon te pedowan imbegay te Espiritu Santo kenitadon. Ibeg ko, megtawal-tawal kaw heman diyà te Timanem tepad kanak.

1 Korinto 14:20

Menge kedowa ko, ikà niyo eg-iling te mengisù wedad inenengen. Pengkey mèpiya aw iling kaw te mengisù wedad toig meg-inang te salà, meneng diyà te aneng-aneng niyo, pekitai niyo te metesan kaw den.

1 Korinto 2:6

Aw ontò egtaking te Timanem se otaw egpenenalan kanak, yan se egtoledaan ko te kebiyasa medalem. Kenà iyan iling te kebiyasa te otaw dini te keneyonan. Kenà heman iling te kebiyasa te otaw eglowan, so pesalo dan megkewedad.

2 Korinto 13:11

Na, menge kedowa ko, keluba kaw den. Imendayi niyo se peg-ogpà niyo. Toloi niyo se impunù ko kenyo. Pegsebad kaw te pegpemenal aw pedowan niyo. Domaan kaw te Timanem eglekatan te kedakel aw kelinaw te pedowan.

Galasya 1:10

Ikà niyo eg-aneng-aneng te ibeg ko iduyun a te doma otaw, meneng ibeg ko Timanem se domuyun kanak. Ikà niyo eg-aneng-aneng te ibeg ko meluba se doma otaw kanak, so aw yan se ibeg ko, eked a pegsagda te pegtoladà dan te kebolalaw. Meneng migsagda a den kandan so sogounun a i Cristo.

Galasya 4:19

Menge batà ko te pegpemenal, ontò a netetana kenyo, so ontò ko ibeg tiboken niyo se pegtaking ki Cristo.

Kolasas 1:22

Meneng migpekeotaw si Jesus, aw nematay heman sikandin amon ibingen kaw din doton te Timanem. Mepakay aw megpedapag kaw den kandin so wedad den salà niyo aw wedad isila kenyo.

Kolasas 1:28

Egtoladà kay te kedita te otaw tepad ki Cristo. Gayed kay egsagda te kedita te otaw aw egtoladà kay kandan te kebenalan tepad ki Cristo, so ibeg day ontò melobos se pegtaking te kedita te otaw diyà ki Cristo.

Kolasas 1:29

Yan se doun te ontò a egpekagsen te pegtoladà ko kenyan pineokit te kagsen imbegay te Timanem kanak.

Kolasas 1:7

Yan se intoladà i Epapras kenyo. Sikandin heman se sineligan i Cristo, aw dakel se pedowan tadon kandin. Sikandin se egseligan day insogò day doton kenyo amon megtoladà tepad ki Cristo.

Kolasas 1:9

Yan se doun te gayed kay egtawal-tawal tepad kenyo lekat te pegdineg day tepad kenyo kedengan lamig songkani. Gayed kay egpemoyò diyà te Timanem te ontò kaw metaga-taga aw eden se ibeg din inangen niyo pineokit te kebiyasa ibegay te Espiritu Santo kenyo.

Kolasas 4:9

Isogò ko heman se kedowa tadon te pegpemenal si Onesimo tomaking kandin. Egkeseligan heman sikandin aw egkedekelan tadon te pedowan. Sikandin se tege doton kenyo. Didowa dan se meg-indan kenyo aw eden se eg-inangen day dini.

1 Tesalonika 5:23

Ibeg day, ontò kaw linisan te Timanem egpemegay te kelinaw te pedowan. Ibeg day tonggoan din heman se pedowan niyo, aw aneng-aneng niyo, aw lawa niyo, amon wedad palos isila kenyo te peglikò te Pengolo tadon si Jesu Cristo.

Filemon 1:23

Se doma ko si Epapras kineleboso heman tandà te pegtaking din ki Jesu Cristo, ibeg din metaga-taga ka te eg-aneng-aneng sikandin kamno.

Menge Hebreo 5:14

Meneng mekekaen se otaw metesan te pengelapen. Metesan den se otaw ontò den biyasa egtaking te mèpiya aw egkulu te medaet.

Menge Hebreo 5:7

Pegtawal-tawal i Jesus diyà te Amay din dalem te peg-ogpà din dini lanto te tanà, seletà migpegais sikandin aw migkelag, so mekebatog se Timanem megpelowà kandin lekat te kemetayun. So ibeg i Jesus tomolò, yan se doun te nenenalan se Timanem kandin.

Santiago 1:1

Se solat seini lekat kanak si Santiago. Sineligan a te Timanem aw Pengolo tadon si Jesu Cristo. Seini se solat ko te kedita niyo Judiyo egpemenal ki Cristo, pengkey nekeogpà kaw doton te medita ogpeanan doton te kebelad te keneyonan. Ibeg ko, mèpiya se keogpà niyo.

Santiago 1:4

Aw megkedalem se pedowan niyo, ontò megketesan se pegpemenal niyo pineokit kenyan.

Santiago 5:16

Aw doen salà ininang niyo diyà te doma otaw, keilangan meg-indan kaw kandin amon pegwedaden din. Pegtawal-tawal kaw heman tepad te menge doma niyo amon kegolian dan, so ontò dakel se mebatog te pegtawal-tawal te otaw eneng-enengen te Timanem te metòlid.

2 Pedro 1:1

Se solat seini lekat kanak si Simon, doma ngadan ko si Pedro. Sineligan a i Jesu Cristo aw ininang a sogounun din. Seini se solat ko diyà te kedita niyo simalig diyà ki Jesu Cristo. Sikandin se Timanem egpelowà kenitadon. Tandà te ketòlid din, ininang kaw din heman otaw simalig diyà kandin iling te pegsalig day diyà kandin.

Judas 1:24

Nayan, iduyun se Timanem. Mekebatog sikandin meg-ipat kenyo amon eked kaw peg-inang te salà. Ibingen kaw din doton te ogpeanan din te wedad palos kolang niyo, aw yan ontò kaw meluba.