Kolasas 3:20 - Manobo Sarangani

²⁰ Na, sikiyo menge mengisù, keilangan tomolò kaw te kedita te punù te amay aw inay niyo, so meluba se Pengolo tadon aw yan se inangen niyo.

Kolasas 3:20 ပူးပေါင်းရင်းမြစ်များ

Menge Hebreo 13:21

Yan se doun te egtawal-tawal a diyà te Timanem egpemegay te kelinaw te begayan kaw te kedita te mèpiya tabang din amon mekebatog kaw tomoman te ibeg din. Ibeg ko heman, tebangan kaw din amon meg-inang kaw te mekeluba kandin pineokit te tabang i Jesu Cristo diyà kenyo. Iduyun sikandin te wedad temanan. Metoman iyan.

Kolasas 1:10

Yan se egpemoyoen day amon ibeg te Pengolo tadon se eg-inangen niyo, aw amon gayed sikandin meluba tepad kenyo. Aw yan se inangen niyo, mèpiya se kedita te inang niyo, aw labi kaw pa metaga-taga tepad te Timanem.

Mat. 19:19

Keilangan memasa ka te amay aw inay nikaw. Kedekeli heman te pedowan no se doma otaw iling te peg-aneng-aneng no te kamno pegkeotawun.”

Tito 2:9

Pegtoladà ka te menge allang te keilangan tomolò dan te punù te amo dan amon meluba dan kandan. Keilangan eked dan pegketugul.

Efeso 5:24

Yan keilangan tomolò se menge bayi te esawa dan, iling te pegtolò te kedita tadon egpemenal ki Cristo.

Filipos 4:18

Wedad den kepulukan ko so nekekinawà a den te kwarta impeibing niyo kanak, igsà doen pa samà. Wedad den kepulukan ko so binegayan a den i Epafrodito te impeibing niyo kanak. Iling iyan te metinadeg ipegbegay diyà te Timanem, so kinità din iyan aw neluba sikandin kenyan.

Genesis 28:7

Netaga-taga heman sikandin te timolò si Jacob te amay aw inay din aw dimoton sikandin te Mesopotamya.

Kolasas 3:22

Na, sikiyo menge allang, keilangan ontò kaw tomolò te amo niyo dini lanto te tanà, pengkey eden se punù dan kenyo. Keilangan gayed kaw tomolò, kenà olò dalem te pegtengteng te amo niyo, so kenà olò otaw se keilangan kelubahan niyo. Meneng keilangan melobos se pedowan niyo diyà kandan tandà te pegsagman niyo te Pengolo tadon.