Kolasas 3:14 - Manobo Sarangani

¹⁴ Seini se melangkaw punù diyà te kedita nini. Keilangan megpedekelay kaw te pedowan, so pineokit kenyan megkèpiya se keogpà niyo aw wedad kolang niyan.

Kolasas 3:14 ပူးပေါင်းရင်းမြစ်များ

1 Pedro 4:8

Ontò keilangan te gayed kaw megpedekelay te pedowan, so aw dakel se pedowan niyo te doma otaw, mebatog niyo pegwedaden se ontò medita salà dan diyà kenyo.

Efeso 5:2

Keilangan gayed kaw megpedekelay te pedowan iling te kedakel te pedowan i Cristo kenitadon. Pegkematay i Cristo doton te kros, simelilin sikandin kenitadon, aw yan neinang sikandin iling te ayam-ayam inimetayan amon mesinalay se Timanem.

Kolasas 2:2

Ibeg ko megkagsen se pedowan niyo somalig diyà ki Cristo aw megpedekelay kaw te pedowan. Ibeg ko heman ontò niyo ketegahan se kebenalan tepad ki Cristo, so yan se kaling impetaga-taga din.

Juan 13:34

Doen den kaling punù ko kenyo seini. Pegpedekelay kaw te pedowan. Keilangan megpedekelay kaw te pedowan iling te kedakel te pedowan ko kenyo.

Roma 13:8

Ikà niyo egpengotang amon wedad salà niyo. Meneng ikà niyo palos egwedad te pegpedekelay niyo te pedowan, so aw dakel se pedowan te otaw diyà te doma, timoman den sikandin te kedita te punù ingkeliwat i Moises.

Efeso 4:3

Pegpekagsen kaw amon megpedeleg se pegsebad te pedowan niyo, so sebad se pedowan imbegay te Espiritu Santo kenyo.

1 Juan 4:21

Seini se impunù te Timanem kenitadon. Se otaw dakel se pedowan din te Timanem, yan se otaw keilangan dakel heman se pedowan din te menge doma din.

2 Pedro 1:7

Aw meketolò kaw te ibeg te Timanem, keilangan megpeidoway kaw heman. Aw egpeidoway kaw, keilangan dakel heman se pedowan niyo diyà te kedita te otaw.

1 Timoteo 1:5

Yan se ipunù ko amon megpedekelay dan te pedowan. Meneng eked dan pegpedekelay te pedowan singed aw linisan te Timanem se pedowan dan lekat te salà, aw metibok se ibeg dan meg-inang te metòlid, aw melobos se pegpemenal dan te Timanem.

1 Tesalonika 4:9

Wedad den keilangan te doen megtoladà kenyo tepad te pegpedekelay niyo te pedowan, so tinoledaan kaw den te Timanem te keilangan megpedekelay kaw te pedowan,

Juan 17:23

so diyà a kandan aw diyà ka kanak. Ibeg ko, ontò dan megsebad te pedowan amon ketegahan te kedita te otaw dini te keneyonan te sikona se simogò kanak, aw dakel se pedowan no kandan iling te kedakel te pedowan no kanak.

Juan 15:12

Seini se ipunù ko kenyo. Keilangan megpedekelay kaw te pedowan iling te kedakel te pedowan ko kenyo.

1 Juan 3:23

Seini se impunù din kenitadon, te keilangan somalig kidon diyà te Batà din si Jesu Cristo, aw megpedekelay kidon heman te pedowan iling te intoladà din kenitadon.

Menge Hebreo 6:1

Yan botong den se kenamay te peg-iling tadon te menge kebenalan onà intoladà diyà kenitadon tepad te pegpemenal tadon ki Cristo, so keilangan meg-iling kidon den te menge kebenalan labi pa medalem. Eked den kepakay aw gayed tadon sobloden se menge kebenalan tapay pig-ilingan tadon tepad te peglengà tadon te inang wedad ontong, aw tepad te pegsalig tadon diyà te Timanem.

Efeso 1:4

Gebii te wedà pa inangi te Timanem se keneyonan, tapay kidon din pinemallì amon inangen kidon sakop din pineokit ki Cristo, aw amon meg-aneng-aneng se Timanem te metòlid kidon, aw wedad silahen din diyà kenitadon. So dakel se pedowan te Timanem kenitadon,

1 Juan 3:10

Seini se pengilala amon ketegahan tadon aw sinu se menge batà te Timanem aw menge batà i Satanas. Aw doen otaw kenà metòlid se eg-inangen din aw wedad kedakel te pedowan din te menge doma otaw, yan se otaw kenà batà te Timanem.