Kolasas 3:11 - Manobo Sarangani

¹¹ Diyà te kedita tadon egpemenal, wedad palos lindoan te Timanem, pengkey Judiyo aw kenà Judiyo, pengkey tinolì aw wedà tolii, pengkey mig-iskwila aw wedà peg-iskwila, pengkey allang aw kenà allang, so migsebad den se kedita tadon diyà ki Cristo, aw mig-ogpà sikandin diyà te kedita tadon.

Kolasas 3:11 ပူးပေါင်းရင်းမြစ်များ

Juan 14:23

Timaba si Jesus, “Aw dakel se pedowan te otaw kanak, tomolò sikandin te punù ko. Kedekelan heman sikandin te Amay ko te pedowan, aw domoton kay kandin aw meg-ogpà kay kidoen te pedowan din.

Juan 15:5

“Siaken se iling te pinonoan, aw sikiyo se iling te menge belagen ko. Aw meg-ogpà se otaw diyà kanak aw meg-ogpà a heman diyà kandin, yan se otaw mongo te dakel. Meneng aw tomani kaw kanak, wedad palos mebatog niyo.

Juan 17:23

so diyà a kandan aw diyà ka kanak. Ibeg ko, ontò dan megsebad te pedowan amon ketegahan te kedita te otaw dini te keneyonan te sikona se simogò kanak, aw dakel se pedowan no kandan iling te kedakel te pedowan no kanak.

Ininang 15:17

amon tomaking te Pengolo se kedita te otaw tinawal ko pengkey kenà dan Judiyo.

Ininang 28:2

Ontò kay neidowan te menge otaw eg-ogpà kidoen pengkey kenà dan Judiyo. Sinagman kay dan aw nenemtem dan te dakel apoy, so minodan aw ontò kay negenawan.

Ininang 28:4

Pegkità te menge tege Malta te memokan diyà te belad din, migpebelaw-belaway dan, kagi dan, “Sikandin besi se metibonò. Pengkey wedà sikandin kematay doton te dagat, meneng dini te tanà matay sikandin, so yan se pelumun te salà din.”

Roma 1:14

so keilangan tomolò a te Timanem simogò kanak megtoladà te kedita te kemolò te otaw, pengkey mig-iskwila dan aw wedà, pengkey biyasa dan aw wedad toig.

Roma 10:12

Ibeg te Timanem, somalig se kedita te otaw diyà ki Jesu Cristo. Wedad elet diyà te Judiyo aw otaw kenà Judiyo, so olò sebad se Pengolo te kedita tadon. Ontò din egkeidowan se kedita te otaw memoyò te tabang din,

Roma 3:22

Eneng-enengen te Timanem te metòlid kidon pineokit te pegpemenal tadon ki Jesu Cristo. Yan se inangen din diyà te kedita te otaw memenal, pengkey Judiyo aw otaw kenà Judiyo, so onawa se kedita te otaw.

Roma 3:29

Ikà niyo eg-aneng-aneng te olò Judiyo se mepakay megpesakop diyà te Timanem, so mepakay megpesakop se kedita te otaw diyà kandin, pengkey Judiyo aw otaw kenà Judiyo.

1 Korinto 12:13

So se kedita tadon, pengkey Judiyo aw kenà Judiyo, aw pengkey allang aw kenà allang, meneng binonyagan se kedita tadon pineokit te Espiritu Santo amon meinang kidon sebad lawa, aw binegayan se kedita tadon te Espiritu Santo meg-ogpà diyà te pedowan tadon.

1 Korinto 14:11

Meneng aw eked ko kelebeti se kagi te otaw mikagi kanak, yan se iling te otaw kenà tege dini, aw iling a heman kandin.

1 Korinto 7:19

Pengkey tolien se otaw aw eked tolii, kenà niyan se meelagà diyà te Timanem, meneng yan se meelagà aw toloen tadon se punù te Timanem kenitadon.

Galasya 2:20

Pegpemenal ko ki Cristo, iling te nematay a doma kandin kidoen te kros. Lekat niyan, kenà kenaken ibeg se egbayà-bayà kanak, meneng si Cristo se egbayà-bayà kanak so eg-ogpaan a din. Dalem pa te peg-ogpà ko dini te keneyonan, megpesakop a diyà te Batà te Timanem egseligan ko. Dakel se pedowan din kanak aw yan nematay sikandin simelilin kanak.

Galasya 5:6

Diyà te menge otaw nemenal den ki Cristo, wedad elet diyà te otaw tinolì aw otaw wedà tolii. Onawa iyan diyà te Timanem. Meneng ibeg te Timanem, ipekità tadon te benal se pegpemenal tadon pineokit te dakel pedowan tadon.

Efeso 1:23

so iling kidon te lawa i Cristo. Tandà te pegpesakop tadon diyà kandin, wedad kolang diyà kandin, aw wedad heman kolang doton te langit aw dini heman te lanto te tanà tandà te peglowan din diyà te kedita niyan.

Efeso 2:14

Pineokit kandin, migsebad den se menge Judiyo aw otaw kenà Judiyo. Yan se doun te wedad den peopalay te menge Judiyo aw otaw kenà Judiyo, so inabat din se elet diyà te tengà-tengà tadon.

Efeso 2:15

Tandà te pegkematay i Cristo, impelowà kay din menge Judiyo lekat te menge punù ingkeliwat i Moises tinolò day, amon pegsebaden din se didowa pongan te otaw, se menge Judiyo aw otaw kenà Judiyo, pineokit te pegpesakop te kedita tadon diyà kandin. Pigsebad din se didowa kemolò te otaw, aw yan inabat din se peopalay tadon.

Efeso 3:17

Egpemoyò a diyà te Timanem te gayed meg-ogpà si Cristo diyà te pedowan niyo tandà te pegpemenal niyo kandin. Egpemoyò a heman diyà kandin amon labi pa megkedakel se pedowan niyo diyà te Timanem aw diyà te doma otaw.

Efeso 3:6

Seini se kebenalan impetaga-taga din den. Sikiyo menge otaw kenà Judiyo, so nemenal kaw te Mèpiya Indan tepad ki Jesu Cristo, aw migpesakop kaw diyà kandin, begayan kaw heman te Timanem te kedita onawa te ibegay din diyà te menge Judiyo egpemenal. Ipeakop kaw din heman diyà te otaw lowanan i Cristo doma te menge Judiyo. Begayan kaw heman te Timanem te impakang din, onawa te ibegay din diyà te menge Judiyo egpemenal.

Efeso 6:8

Ikà niyo egkelibel te doen ontong ibegay te Pengolo tadon diyà te kedita te otaw eg-inang te mèpiya, pengkey allang aw otaw kenà allang.

Kolasas 2:10

Pineokit te pegpemenal niyo ki Cristo, nekekinawà kaw den te kaling pedowan aw wedad kolang niyan. Sikandin se melangkaw diyà te kedita te metolos aw eglowan.

1 Juan 5:20

Netegahan tadon heman te dimini se Batà te Timanem te keneyonan amon ketegahan tadon se benal Timanem. Sikitadon diyà te benal Timanem so diyà kidon te Batà din si Jesu Cristo. Sikandin se benal Timanem, aw sikandin se eglekatan te kaling pedowan wedad temanan.

2 Juan 1:9

Aw somoway se otaw lekat te kebenalan intoladà i Jesu Cristo, aw isogpat din se kebolalaw diyà te kebenalan, wedad Timanem kidoen kandin. Meneng aw ontò egsalig se otaw diyà te kebenalan intoladà i Jesu Cristo, kidoen kandin se Timanem Amay aw Batà.