Kolasas 3:1 - Manobo Sarangani

¹ Neantay den si Cristo lekat te nematay, aw iling te neantay kaw heman sipat kandin. Yan se doun te keilangan gayed kaw meg-aneng-aneng tepad te impetagad kenyo doton te langit, so egpenenoo si Cristo kidoen te tangkil te Timanem Amay din aw eglowan doma din.

Kolasas 3:1 ပူးပေါင်းရင်းမြစ်များ

Roma 8:6

Aw meg-aneng-aneng se otaw tepad te pegtoman din te medaet ibeg te pedowan din, detengan sikandin te kemetayun wedad temanan. Meneng aw meg-aneng-aneng se otaw tepad te pegtoman din te ibeg te Espiritu Santo, yan se otaw doen kaling pedowan wedad temanan, aw melinaw se pedowan din.

Mat. 6:33

Yan pelowani niyo se Timanem diyà te kenyo pegkeotawun, aw tolò kaw te ibeg din, aw yan begayan kaw din heman te keilangan niyo.

2 Korinto 4:18

Kenà ontong dini te keneyonan se ehaen ko, so megkewedad iyan te eked kenamay. Meneng gayed ko egpelimanan se benal ontong eked kitai te mata dini te keneyonan, so wedad temanan niyan.

Kolasas 3:2

Ikà niyo eg-aneng-aneng tepad te menge keibegan te otaw dini te keneyonan, meneng keilangan meg-aneng-aneng kaw tepad te ibeg i Cristo doton te langit.

Mat. 6:20

Meneng keilangan megtipon kaw te kedònan doton te langit. Eked iyan peg-enayi, aw eked iyan pegkedaet, aw eked iyan heman ebati te menenakaw.

Menge Hebreo 12:2

Keilangan tomaking kidon ki Jesus, so sikandin se ontò tadon peg-ilingan te pegsalig tadon diyà te Timanem, aw meinang heman melobos se pegsalig tadon diyà te Timanem pineokit te tabang i Jesus. Timayod sikandin te kelimahan te peglansang kandin doton te kros. Wedà sikandin keyàyà te neinang diyà kandin, meneng timayod sikandin te peg-imatay kandin, so netegahan din te meluba sikandin aw mepenga se kedita niyan. Egpenenoo den sikandin kidoen te tangkil te Timanem Amay din aw eglowan doma din.

Luc. 12:33

Keilangan ibeligyà niyo se kededònan niyo, aw ipemegay niyo se kwarta diyà te otaw nelimahan. Aw yan se inangen niyo, metipon kidoen te langit se ontong niyo eked palos pegkedaet, so eked iyan ketakaw kidoen, aw eked iyan heman kebàti.

Menge Hebreo 1:3

Pineokit heman kandin, ipegpekità se kelangkaw te Timanem, aw sikandin se egkitaan tadon te ketanem te Timanem. Sikandin se egbayà-bayà te kedita te neinang dini te keneyonan pineokit te kagi din metolos. Pegkepenga din te miglinis kenitadon lekat te salà, minolì sikandin doton te langit, aw minonsad sikandin kidoen te tangkil te Timanem Melangkaw amon lomowan doma din.

Luc. 22:69

Meneng te eked kenamay, menenoo a Timanem Migpekeotaw kidoen te tangkil te Timanem metolos amon lomowan a doma din.”

Kolasas 2:20

So migpesakop kaw diyà ki Cristo, iling te nematay kaw heman sipat kandin. Impelowà kaw din heman lekat te pegkeallang niyo diyà te ketanem te otaw dini te keneyonan. So kenà kaw den allang niyan, ikà niyo eg-aneng-aneng te keilangan tomolò kaw te menge punù iling kani.

Menge Hebreo 8:1

Nayan, tiboken ko den se kedita te intoladà ko kenyo. Doen den Telekagon tadon ontò neketepad kenitadon iling kenyan. Sikandin se impeonsad te Timanem Melangkaw kidoen te tangkil din doton te langit, aw impelowan din heman sikandin doma din.

Roma 8:34

Wedad palos heman mekeikagi te keilangan ipelumun kidon. Nematay si Jesu Cristo simelilin kenitadon. Meneng neantay heman sikandin lekat te nematay, aw eglowan den sikandin doma te Timanem Amay din doton te langit, aw egpemoyò den sikandin diyà te Timanem Amay din te itabang din kenitadon.

Menge Hebreo 10:12

Meneng mekesebad olò se pegkematay i Jesu Cristo amon meabat se salà tadon, aw botong iyan te wedad temanan. Penga niyan, minonsad sikandin kidoen te tangkil te Timanem doton te langit.

Mat. 26:64

Minikagi si Jesus, “Benal se inikagi nikaw. Mikagi a den kani diyà kenyo. Te eked kenamay, komità kaw kanak Timanem Migpekeotaw egpenenoo kidoen te tangkil te Amay ko metolos amon lomowan a doma din. Lomikò a heman dini lekat te langit tekingan te labon.”

Efeso 4:10

Si Cristo se timenà dini te tanà, aw sikandin heman se migpeengat doton diatas te langit amon lomowan sikandin diyà te kedita pengkey kenan.

Mar. 14:62

Minikagi si Jesus, “Benal iyan. Komità kaw kanak Timanem Migpekeotaw egpenenoo kidoen te tangkil te Amay ko metolos amon lomowan a doma din. Lomikò a heman dini lekat te langit tekingan te labon.”

Menge Hebreo 1:13

Wedad palos anghil inikegiyan te Timanem iling te inikagi din diyà ki Cristo, “Onsad ka dini te tangkil ko lamig dàgen ko se menge poon no aw ipetolò ko dan kamno.”

Ininang 2:34

Sìyan inikagi i David, kenà iyan tepad te kandin pegkeotawun, so wedà keengat se lawa i David doton te langit, meneng diyà pa te lebeng. Gebii minikagi si David, ‘Minikagi se Timanem diyà te Pengolo ko, Penenoo ka dini te tangkil ko

Luc. 20:42

meneng minikagi si David te Pengolo din se Misiyas, so simolat si David kidoen te libro te Delangan, ‘Minikagi se Timanem diyà te Pengolo ko, Penenoo ka dini te tangkil ko

Mar. 16:19

Nayan, penga te peg-ikagi i Jesus diyà kandan, neengat sikandin doton te langit, aw nenenoo kidoen te tangkil te Timanem amon lomowan doma din.

Mar. 12:36

Meneng minikagi si David te Pengolo din se Misiyas. Pineokit te pegbayà-bayà te Espiritu Santo ki David, insolat din se kagi seini, ‘Minikagi se Timanem diyà te Pengolo ko, Penenoo ka dini te tangkil ko lamig dàgen ko se menge poon no aw ipetolò ko dan kamno.’

1 Pedro 3:22

Dimoton sikandin diatas te langit. Minonsad den sikandin kidoen te tangkil te Timanem aw eglowan heman doma din. Impelowan sikandin diyà te kedita doton te langit, pengkey kedita te anghil aw menge doma metolos.

Ininang 7:55

Meneng gayed egbeyà-beyaan te Espiritu Santo si Esteban. Peglengag din doton te langit, kinità din se kelangkaw te Timanem aw si Jesus timangkil kandin.

Mat. 22:44

‘Minikagi se Timanem diyà te Pengolo ko, Penenoo ka dini te tangkil ko lamig dàgen ko se menge poon no aw ipetolò ko dan kamno.’

Efeso 5:22

Sikiyo menge bayi doen esawa, keilangan tomolò kaw te esawa niyo, iling te pegtolò niyo te punù te Pengolo tadon,