Kolasas 2:9 - Manobo Sarangani

⁹ Pegpekeotaw i Cristo, ontò kinità se ketanem te Timanem diyà kandin.

Kolasas 2:9 ပူးပေါင်းရင်းမြစ်များ

Mat. 1:23

“Na, meglaman se laga aw tomebaw se batà meama ingedanan ki Emmanuel.” (Se kelebadan niyan, “Dini den se Timanem doma kenitadon.”)

Luc. 14:22

Wedà kenamay, minikagi se sineligan, ‘Sir, timolò a den te impunù no kanak, meneng doen pa keombaan.’

Luc. 3:22

aw kinità dan se Espiritu Santo migpedanà diyà kandin iling te bawa te selepati. Dinineg dan heman se kagi te Timanem lekat te langit, “Sikona se Batà ko. Dakel se pedowan ko kamno, aw ontò a neluba kamno.”

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Juan 1:16

Ontò kidon din neidowan, aw gayed kidon din egtebangan te wedad temanan.

Juan 10:30

Siak aw Amay ko migsebad.”

Juan 10:38

Meneng aw yan se eg-inangen ko, pengkey eked kaw pemenal kanak, pemenal kaw te Timanem se eglekatan te kepelahan eg-inangen ko, amon ketegahan niyo pa te diyà kanak se Amay ko, aw diyà a te Amay ko.”

Juan 14:20

Aw domateng se aldaw sìyan, ontò niyo ketegahan te diyà a te Amay ko, aw diyà kaw kanak, aw diyà a kenyo.

Juan 17:21

Ibeg ko megsebad dan te pedowan, iling te pegsebad te pedowan ta seini, so sikona Amà, diyà ka kanak, aw diyà a heman kamno. Iling heman kenyan, ibeg ko diyà dan kenita, amon memenal se kedita te otaw dini te keneyonan te insogò a nikaw.

Juan 2:21

Meneng wedà dan ketegahi te lawa din se balay sìyan inikagi din.

Ininang 17:29

Aw benal sikitadon se tengke Timanem, eked kepakay aw meg-aneng-aneng kidon te Timanem se iling te inotaw ininang te bolawan aw selapì aw bato pinelasan te otaw biyasa.

Kolasas 1:19

so lekat te ibeg te Timanem, ontò kitaen se ketanem te Timanem diyà ki Cristo.

1 Timoteo 3:16

Netegahan te kedita tadon te ontò mèpiya se kebenalan impetaga-taga te Timanem aw pinemenalan tadon. Migpekeotaw si Jesu Cristo aw dimini te tanà. Impetaga-taga te Espiritu Santo te metòlid sikandin. Kinità sikandin te menge anghil. Inindanan se menge otaw kenà Judiyo tepad kandin. Doen otaw nemenal kandin doton te kebelad te tanà. Inengat sikandin doton te langit.

Tito 2:13

Keilangan inangen tadon iyan dalem te pegtagad tadon te mèpiya aldaw aw kitaen tadon se kelangkaw te Timanem egpelowà kenitadon, si Jesu Cristo egpelimanan tadon.

1 Juan 5:20

Netegahan tadon heman te dimini se Batà te Timanem te keneyonan amon ketegahan tadon se benal Timanem. Sikitadon diyà te benal Timanem so diyà kidon te Batà din si Jesu Cristo. Sikandin se benal Timanem, aw sikandin se eglekatan te kaling pedowan wedad temanan.

1 Juan 5:7

Eg-indan heman se Espiritu Santo te kebenalan sìyan so eked sikandin pegkebolalaw.