Kolasas 2:8 - Manobo Sarangani

⁸ Peg-ahà kaw te menge otaw meg-akal peden kenyo pineokit te kagi dan medalem aw mèpiya dinegen amon tomaking kaw kandan. Meneng wedad ontong te kagi dan, so egtoladà dan olò te ketanem te kemonaan dan gebii aw aneng-aneng te otaw tepad te keneyonan. Kenà lekat ki Cristo se ipegtoladà dan.

Kolasas 2:8 ပူးပေါင်းရင်းမြစ်များ

Mat. 10:17

Peg-ahà kaw te menge mededaet otaw, so ibingen kaw dan doton te howis, aw bedasen kaw dan kidoen te simbahan te Judiyo.

Mat. 16:6

Minikagi si Jesus, “Peg-ahà kaw amon eked kaw ketini te yist te menge Parisiyo aw Sadusiyo.”

Mat. 7:15

“Peg-ahà kaw amon eked kaw keekali te menge otaw egpelingo-lingo telekeliwat te kagi te Timanem. Medaet se tod dan kenyo iling te mebolot menenanap te kebenesan iningedanan lobo egpelingo-lingo iling te ayam-ayam karniro amon megbaet te karniro.

Ininang 17:18

Doen menge menenoladà sakop te menge Epicuriano aw Estoiko migdindil ki Pablo. Migtompuyus se sebad, kagi din, “Wedad besi ontong te intoladà te metibelisì sìyan.” Doen doma minikagi, “Egtoladà besi tepad te menge doma timanem egsimbahen doton te mediyò ogpeanan.” Minikagi dan kenyan so migtoladà si Pablo tepad ki Jesus aw keentayan.

Ininang 17:32

Pegdineg dan te doen neantay lekat te nematay, doen menge otaw nebebayat aw migtompuyus. Meneng minikagi se menge doma, “Toledai kay todà te modi aldaw.”

Roma 16:17

Menge kedowa ko, peg-ahà kaw te menge otaw egbaet te pegsebad te pedowan niyo aw egbaet te pegsalig niyo diyà ki Cristo, so kenà iling kenyan se kebenalan intoladà day kenyo. Ikà niyo egtaking kandan.

1 Korinto 10:12

Yan aw doen otaw eg-aneng-aneng te mèpiya se eg-inangen din, yan se otaw keilangan megpekeahà amon eked sikandin keboyo i Satanas megpekesalà.

1 Korinto 8:9

Yan pengkey mepakay kaw komaen te pengelapen imbegay te doma otaw diyà te inotaw aw meibeg kaw, meneng peg-ahà kaw amon wedad otaw meboyo meg-inang te salà pineokit te peg-iling dan kenyo, so wedà dan ontò ketaga-taga te kebenalan.

2 Korinto 10:5

Nekedaeg a te medaet aneng-aneng te menge otaw egpelangkaw-langkaw, aw kedita te ikegiyen te menge otaw eg-eked te kebenalan tepad te Timanem. Dinaeg se medaet aneng-aneng dan aw timolò dan ki Cristo.

Galasya 1:14

Labi a pa measeb diyà te doma ko menge Judiyo onawa te idad ko te peg-iling te punù ingkeliwat i Moises, so labi a pa measeb diyà kandan te pegtolò ko te kedita te ketanem te kemonaan day.

Galasya 4:3

Iling kidon kenyan. Te wedà pa dateng si Cristo, iling kidon te batà deitek. Eked kepakay aw eked tadon toloi se ketanem te kemonaan tadon aw ibeg te otaw dini te keneyonan.

Galasya 4:9

Meneng songkani, so netegahan niyo den se benal Timanem, aw netegahan kaw din den heman, ikà niyo todà egtaking te ibeg te otaw aw ketanem nekeallang kenyo kedengan.

Galasya 5:15

Meneng aw megpedindilay aw megbolaw kaw, pekeahà kaw amon eked kebàti se pegsebad te pedowan niyo tomaking ki Jesu Cristo.

Efeso 2:2

Kedengan, gayed kaw egpekesalà. Mig-iling kaw te otaw eg-inang te salà dini te keneyonan. Timolò kaw ki Satanas, pengolo te kedita te bosaw. Sikandin se egbayà-bayà te kedita te otaw kenà egtolò te Timanem.

Efeso 4:20

Meneng kenà iling kenyan se pig-ilingan niyo tepad ki Cristo,

Efeso 5:6

Ipelumun te Timanem se kedita te otaw eg-inang te medaet iling kenyan, so kenà dan egtolò kandin. Yan peg-ahà kaw amon eked kaw keekali te otaw egpelingo-lingo egtoladà te kebenalan.

Filipos 3:2

Peg-ahà kaw te menge otaw egtewalen ko menge toyang. Medaet se eg-inangen dan, so egtoladà dan te eked kidon sekopi te Timanem singed aw tomolò kidon te punù ingkeliwat i Moises aw megpetolì kidon.

Kolasas 2:18

Doen heman menge otaw egpelangkaw-langkaw, so eg-ikagi dan te doen kebenalan impetaga-taga te Timanem kandan, aw egtoladà dan tepad te pegpedanà aw pegsimba dan te menge anghil. Meneng peg-ahà kaw amon eked kaw dan keekali pineokit te kagi dan, so kenà lekat te Timanem se ipegtoladà dan, meneng lekat te medaet aneng-aneng dan.

Kolasas 2:20

So migpesakop kaw diyà ki Cristo, iling te nematay kaw heman sipat kandin. Impelowà kaw din heman lekat te pegkeallang niyo diyà te ketanem te otaw dini te keneyonan. So kenà kaw den allang niyan, ikà niyo eg-aneng-aneng te keilangan tomolò kaw te menge punù iling kani.

Kolasas 2:22

Wedad den ontong te kedita te punù sìyan, pengkey toloen aw eked. Ikà niyo egpenenalan te toladà sìyan so olò iyan lekat te aneng-aneng te otaw.

Kolasas 2:23

Ipetaga-taga dan peden te doen kebiyasa dan pineokit te leges pegsimba dan te menge anghil, aw pegpelingo-lingo dan te pegsagman dan kandan, aw pegpeeleg dan te kandan lawa. Meneng eden dan aw doen ontong dan, so eked dan dàgi se medaet ibeg te lawa dan pineokit te eg-inangen dan sìyan.

1 Timoteo 6:20

E Timoteo, peg-ahà ka te metòlid se pegtoladà no te kebenalan insalig kamno. Ikà eg-inabut te balaw eked keibegi te Timanem aw kebolalaw ipegtoladà te menge otaw eden dan aw doen kebiyasa imbegay te Timanem kandan,

2 Timoteo 3:13

Meneng se menge otaw eg-inang te medaet aw egpelingo-lingo te egpemenal dan, yan se otaw gayed meg-inang te labi pa medaet. Meg-akal dan te doma otaw, aw ekalan dan heman te doma otaw.

Menge Hebreo 13:9

Aw doen otaw megtoladà kenyo te sebad kemolò toladà kenà iling te kebenalan tapay intoladà diyà kenyo, ikà niyo egpemenal kenyan. Pineokit te tabang te Timanem, melobos se pegsalig tadon diyà kandin. Eked kelobos se pegsalig tadon diyà kandin pineokit te pegtolò tadon te menge punù ipegtoladà dan tepad te kànen tadon, so kenà egketebangan se menge otaw egtolò te menge punù sìyan.

Menge Hebreo 3:12

Yan menge kedowa ko, peg-ahà kaw amon wedad palos otaw doton kenyo medaet se pedowan aw eked tolò, aw amon wedad somoway lekat te Timanem wedad temanan.

1 Pedro 1:18

Kedengan neallang kaw timaking te menge ketanem wedad ontong pig-ilingan niyo diyà te menge kemonaan niyo, meneng impelowà kaw den te Timanem lekat kenyan. Kenà iling te selapì aw bolawan egkebàtan se imbayad din te kelowaan niyo.

2 Pedro 3:17

Meneng menge kedowa ko egkedekelan ko te pedowan, tapay kaw den netaga-taga tepad te menge otaw sìyan. Yan se doun te keilangan meg-ahà kaw amon eked kaw keekali te kebolalaw ipegtoladà te menge otaw mededaet. Peg-ahà kaw amon eked kaw kelibel te kebenalan pinemenalan niyo.

2 Juan 1:8

Yan peg-ahà kaw amon eked pegkewedad se ontong tepad te ininang niyo, meneng kinewaen niyo se ontong te modi aldaw.