Kolasas 2:4 - Manobo Sarangani

⁴ Yan se insolat ko kenyo amon eked kaw keekali te doma otaw egtoladà te kebolalaw pengkey mèpiya se kagi dan.

Kolasas 2:4 ပူးပေါင်းရင်းမြစ်များ

Mat. 24:24

Doen menge otaw domateng megpelingo-lingo te sikandan se Misiyas aw menge telekeliwat te kagi te Timanem. Meg-inang dan heman te menge kepelahan amon keekalan dan peden heman se menge otaw pinemallì te Timanem.

Mat. 24:4

Minikagi si Jesus, “Peg-ahà kaw amon eked kaw keekali.

Mar. 13:22

so doen menge otaw domateng megpelingo-lingo te sikandan se Misiyas aw menge telekeliwat te kagi te Timanem. Meg-inang dan heman te menge kepelahan amon keekalan dan peden heman se menge otaw pinemallì te Timanem.

Ininang 20:30

Doen heman menge doma niyo megtoladà te kagi kenà benal amon tomaking se menge otaw diyà kandan.

1 Korinto 2:4

Pegtoladà ko kenyo te kagi te Timanem, nemenal kaw kanak kenà tandà te kebiyasa te kagi ko, meneng nemenal kaw so kinità niyo se tabang te Espiritu Santo kanak.

2 Korinto 11:3

Meneng nelemitan a aw metodà se ibeg niyo tomaking ki Cristo. Iling kenyan se peg-akal i Satanas ki Eva gebii pineokit te peg-akal te memokan kandin.

Galasya 2:4

Meneng doen menge doma Judiyo eden dan aw netegahan dan se kebenalan. Migsimà dan kenami te pegtipon day amon ketegahan dan aw egtoloen te otaw nemenal ki Jesu Cristo se punù ingkeliwat i Moises, so ibeg dan, toloen tadon se punù sìyan. Meneng si Cristo man se tapay migpelowà kenitadon lekat te punù sìyan.

Efeso 4:14

Aw metoman iyan, eked kidon pekeonawa te mengisù. Eked kidon pekeonawa te dagsà eg-ibingen te balud aw gayed ipegpalid te kelamag, so eked kidon pemenal te pengkey eden se itoladà te menge otaw biyasa eg-akal pineokit te kebolalaw dan.

Efeso 4:17

Nayan, seini se ipunù ko kenyo lekat te Pengolo tadon. Ikà niyo den egtaking te ketanem te otaw kenà egtaking te Timanem, so wedad ontong te aneng-aneng dan.

Efeso 5:6

Ipelumun te Timanem se kedita te otaw eg-inang te medaet iling kenyan, so kenà dan egtolò kandin. Yan peg-ahà kaw amon eked kaw keekali te otaw egpelingo-lingo egtoladà te kebenalan.

Kolasas 2:18

Doen heman menge otaw egpelangkaw-langkaw, so eg-ikagi dan te doen kebenalan impetaga-taga te Timanem kandan, aw egtoladà dan tepad te pegpedanà aw pegsimba dan te menge anghil. Meneng peg-ahà kaw amon eked kaw dan keekali pineokit te kagi dan, so kenà lekat te Timanem se ipegtoladà dan, meneng lekat te medaet aneng-aneng dan.

Kolasas 2:8

Peg-ahà kaw te menge otaw meg-akal peden kenyo pineokit te kagi dan medalem aw mèpiya dinegen amon tomaking kaw kandan. Meneng wedad ontong te kagi dan, so egtoladà dan olò te ketanem te kemonaan dan gebii aw aneng-aneng te otaw tepad te keneyonan. Kenà lekat ki Cristo se ipegtoladà dan.

2 Timoteo 2:16

Ikà eg-inabut te medaet balaw eked keibegi te Timanem, so pineokit kenyan labi pa megpekediyò se menge otaw diyà te ibeg te Timanem.

2 Timoteo 3:13

Meneng se menge otaw eg-inang te medaet aw egpelingo-lingo te egpemenal dan, yan se otaw gayed meg-inang te labi pa medaet. Meg-akal dan te doma otaw, aw ekalan dan heman te doma otaw.

1 Juan 2:18

Menge batà ko te pegpemenal, agpet den se temanan te keneyonan. Tapay niyo dinineg te doen pa sebad otaw domateng mato ki Cristo aw megpelangkaw-langkaw peden diyà kandin. Doen medita eg-ato ki Cristo dimateng den, aw yan netegahan tadon te agpet den se temanan te keneyonan.

1 Juan 2:26

Seini se insolat ko kenyo amon eked kaw keekali te menge menenoladà meibeg peden meg-akal kenyo.

1 Juan 4:1

Menge kedowa egkedekelan ko te pedowan, ikà niyo egpemenal te kedita te otaw megtoladà kenyo singed aw onà kaw mengemahà aw lekat te Timanem se intoladà dan, so medita se otaw eglegeb-legeb dini te keneyonan aw egpelingo-lingo te telekeliwat dan te kagi te Timanem.

2 Juan 1:7

Medita se otaw eglegeb dini te keneyonan aw eg-akal dan te doma otaw, so kenà dan egtoladà te kebenalan tepad te pegpekeotaw i Jesu Cristo. Iling kenyan se eg-ikegiyen te otaw eg-akal aw eg-ato ki Cristo.

Impekità 12:9

Yan indagdag se dakel nagan lekat te langit. Sikandin se migpelingo-lingo memokan gebii, aw iningedanan ki Satanas, aw biyasa sikandin eg-akal te kedita te otaw te keneyonan. Indagdag sikandin lekat te langit kidoen te tanà sipat kedita te anghil din.

Impekità 13:8

Simbahen iyan te kedita te otaw te keneyonan, sìyan menge otaw wedà kesolat se ngadan dan kidoen te libro sinolatan te ngadan te kedita te otaw begayan te kaling pedowan wedad temanan. Yan se libro insolat te Karniro inimetayan, aw insolat iyan te wedà pa inangi se keneyonan.

Impekità 20:3

In-agbel din doton te awang te tanà wedad temanan te kedalem, aw tinakep din iyan, aw pinengilelaan din se tetakep amon wedad meg-owang. Yan se ininang din amon eked pa peg-akal se nagan diyà te otaw te kedita te lonsod. Aw mepenga se sebad melalan se omay, ipelowà sikandin te eked kenamay.

Impekità 20:8

Aw lomowà sikandin, meg-akal te kedita te lonsod te keneyonan, pengkey Gog aw Magog, aw megtipon kandan amon megbolaw dan te Timanem. Ontò medita se sondalo metipon, aw eked dan kebilang iling te enay kidoen te dagat.