Kolasas 2:23 - Manobo Sarangani

²³ Ipetaga-taga dan peden te doen kebiyasa dan pineokit te leges pegsimba dan te menge anghil, aw pegpelingo-lingo dan te pegsagman dan kandan, aw pegpeeleg dan te kandan lawa. Meneng eden dan aw doen ontong dan, so eked dan dàgi se medaet ibeg te lawa dan pineokit te eg-inangen dan sìyan.

Kolasas 2:23 ပူးပေါင်းရင်းမြစ်များ

1 Timoteo 4:8

Aw megpekagsen kidon te lawa tadon, doen ontong tadon. Meneng labi pa mèpiya se ontong tadon aw megpekagsen kidon tomolò te Timanem, so pineokit kenyan, mèpiya se keogpà tadon dini songkani aw doton heman te langit te modi aldaw.

Kolasas 2:18

Doen heman menge otaw egpelangkaw-langkaw, so eg-ikagi dan te doen kebenalan impetaga-taga te Timanem kandan, aw egtoladà dan tepad te pegpedanà aw pegsimba dan te menge anghil. Meneng peg-ahà kaw amon eked kaw dan keekali pineokit te kagi dan, so kenà lekat te Timanem se ipegtoladà dan, meneng lekat te medaet aneng-aneng dan.

Kolasas 2:8

Peg-ahà kaw te menge otaw meg-akal peden kenyo pineokit te kagi dan medalem aw mèpiya dinegen amon tomaking kaw kandan. Meneng wedad ontong te kagi dan, so egtoladà dan olò te ketanem te kemonaan dan gebii aw aneng-aneng te otaw tepad te keneyonan. Kenà lekat ki Cristo se ipegtoladà dan.

1 Timoteo 4:3

Megtoladà dan te eked kepakay aw mengognan se otaw. Megtoladà dan heman te doen kànen eked kepakay kànen. Meneng ininang te Timanem se kànen sìyan, aw penga te pegpesiontong tadon kandin, mepakay iyan kànen te kedita te otaw simalig diyà kandin aw netaga-taga den te kebenalan.

Kolasas 2:22

Wedad den ontong te kedita te punù sìyan, pengkey toloen aw eked. Ikà niyo egpenenalan te toladà sìyan so olò iyan lekat te aneng-aneng te otaw.

Efeso 5:29

so wedad palos otaw egkebensi te kandin lawa, meneng gayed din iyan eg-ipaten. Iling heman kenyan, gayed eg-ipat si Cristo kenitadon egpemenal,

Roma 13:14

Meneng peg-iling kaw te eg-inangen te Pengolo tadon si Jesu Cristo. Ikà niyo eg-aneng-aneng tepad te pegtoman niyo te medaet ibeg te lawa niyo.