Kolasas 2:19 - Manobo Sarangani

¹⁹ Kenà dan egtaking te Pengolo tadon si Cristo. Sikandin se olo tadon, aw iling kidon te lawa din. Eglowan se olo diyà te lawa, aw doen eg-inangen niyan pineokit te luluwadun aw ogat. Iling heman kenyan, pineokit ki Cristo megkagsen se pegpemenal tadon aw meg-inang kidon te ibeg te Timanem.

Kolasas 2:19 ပူးပေါင်းရင်းမြစ်များ

2 Pedro 3:18

Keilangan gayed kaw meg-iling tepad te kèpiya ipegpemegay te Pengolo tadon si Jesu Cristo egpelowà kenitadon. Keilangan meg-iling kaw heman te kebenalan ipetaga-taga din diyà kenyo. Sikandin se iduyun seini aw lamig te wedad temanan. Metoman iyan.

1 Pedro 3:8

Nayan, seini pa se ipunù ko kenyo. Keilangan megsebad kaw te aneng-aneng niyo aw pedowan niyo. Keilangan dakel se pedowan niyo te menge doma otaw egpemenal, aw keilangan megpeidoway kaw heman. Keilangan megpedanà kaw te kenyo pegkeotawun.

Kolasas 2:2

Ibeg ko megkagsen se pedowan niyo somalig diyà ki Cristo aw megpedekelay kaw te pedowan. Ibeg ko heman ontò niyo ketegahan se kebenalan tepad ki Cristo, so yan se kaling impetaga-taga din.

1 Tesalonika 4:10

aw netegahan day te dakel se pedowan niyo diyà te kedita te doma otaw egpemenal doton te kebelad te probinsya te Masidonya. Meneng menge kedowa day, ibeg day gayed niyo pedekelen se pedowan niyo kandan.

1 Tesalonika 3:12

Egpemoyò kay heman te labi pa megkedakel se pedowan niyo te menge doma otaw egpemenal aw kedita te otaw, iling te kedakel te pedowan day kenyo.

2 Tesalonika 1:3

Menge kedowa day, mèpiya aw megpesiontong kay diyà te Timanem tepad kenyo. Mèpiya se pegpesiontong day, so ontò den magsen se pegpemenal niyo kandin, aw ontò kaw den heman egpedekelay te pedowan.

Kolasas 1:18

Sikandin se olo tadon, aw iling kidon te lawa din, so sikandin se egpengibing te kedita tadon egpemenal. Sikandin se egpemegay kenitadon te kaling pedowan, aw sikandin se tagnà neantay lekat te nematay eked palos todà kematay amon mengolo sikandin diyà te kedita te otaw meantay lekat te nematay. Yan se doun te wedad pa labi melangkaw diyà kandin,

Kolasas 1:10

Yan se egpemoyoen day amon ibeg te Pengolo tadon se eg-inangen niyo, aw amon gayed sikandin meluba tepad kenyo. Aw yan se inangen niyo, mèpiya se kedita te inang niyo, aw labi kaw pa metaga-taga tepad te Timanem.

Filipos 1:27

Nayan, pengkey eden se domateng kanak, keilangan onawa se inangen niyo diyà te Mèpiya Indan tepad ki Cristo intoladà kenyo. Yan pengkey domoton a kenyo, aw olò a indanan tepad kenyo, ketegahan ko te wedà kealin se pegsalig niyo diyà ki Cristo, aw sebad se pedowan niyo se egpetebangay te pegtoladà niyo te Mèpiya Indan tepad ki Cristo pinemenalan niyo.

Efeso 5:29

so wedad palos otaw egkebensi te kandin lawa, meneng gayed din iyan eg-ipaten. Iling heman kenyan, gayed eg-ipat si Cristo kenitadon egpemenal,

Efeso 4:3

Pegpekagsen kaw amon megpedeleg se pegsebad te pedowan niyo, so sebad se pedowan imbegay te Espiritu Santo kenyo.

Efeso 1:22

Impelowan te Timanem si Cristo diyà te kedita, aw ininang din si Cristo Pengolo te kedita aw olo te kedita tadon egpemenal,

1 Korinto 3:6

Ipegpolingun ko iling te pawà. Siak se minanggas, aw si Apolos se migtonggò, meneng Timanem se migpetilles te intanem.

1 Korinto 1:10

Menge kedowa ko te pegpemenal, seini se ipunù ko kenyo so insogò a te Pengolo tadon si Jesu Cristo. Pegsebad kaw den amon wedad megpedindilay kidoen kenyo. Pegsebad kaw te aneng-aneng aw pedowan.

Roma 11:17

Ipolingun ko se menge Judiyo wedà pemenal iling te menge panga te kayo iningedanan olibo intanem te Timanem, so tinepò se menge panga niyan. Meneng sikiyo menge otaw kenà Judiyo nemenal, iling kaw te menge panga te kayo timobò doton te kebenesan. Meneng inabat kaw te Timanem lekat te kayo timobò doton te kebenesan aw insogpat kaw din doton te lawa te sìyan kayo intanem din amon tomilles kaw kidoen. Yan sinakop kaw den te Timanem diyà te menge otaw eg-ipaten din iling te menge Judiyo inipat din gebii.

Ininang 4:32

Migsebad se pedowan te kedita te otaw egpemenal. Wedad migtameng te kedònan din, meneng gayed dan egpetebangay.

Juan 17:21

Ibeg ko megsebad dan te pedowan, iling te pegsebad te pedowan ta seini, so sikona Amà, diyà ka kanak, aw diyà a heman kamno. Iling heman kenyan, ibeg ko diyà dan kenita, amon memenal se kedita te otaw dini te keneyonan te insogò a nikaw.

1 Korinto 11:3

Meneng ibeg ko ketegahan niyo ini. Si Cristo, yan se olo te kedita te meama, aw se meama yan se olo te esawa din, aw se Timanem Amay yan se olo i Cristo.

Efeso 1:23

so iling kidon te lawa i Cristo. Tandà te pegpesakop tadon diyà kandin, wedad kolang diyà kandin, aw wedad heman kolang doton te langit aw dini heman te lanto te tanà tandà te peglowan din diyà te kedita niyan.

Efeso 2:21

Dimasel se balay sìyan so pigsebad se kedita tadon diyà kandin, aw eg-inangen kidon din balay eg-ogpaan te Timanem tandà te pegsebad tadon diyà te Pengolo.

Luc. 5:38

Yan keilangan isawol se temek inangen bino diyà te solanan kaling linanit.