Kolasas 2:17 - Manobo Sarangani

¹⁷ Se kedita niyan, yan olò se egtengtengan tepad te egpelimanan, meneng si Jesu Cristo se ketomanan niyan.

Kolasas 2:17 ပူးပေါင်းရင်းမြစ်များ

Juan 1:17

Nemegay se Timanem kenitadon te punù din pineokit ki Moises. Meneng pineokit ki Jesu Cristo, nemegay se Timanem kenitadon te tabang din aw kebenalan.

Menge Hebreo 10:1

Nayan, se menge punù ingkeliwat i Moises, yan olò se pengilala te doen pa domateng labi pa mèpiya kenyan. Se kedita te mèpiya dimateng den kenitadon pineokit te ininang i Cristo, yan se neketepad aw nekeselilin te menge punù ingkeliwat i Moises. Se menge otaw timaking te menge punù ingkeliwat i Moises, keilangan gayed dan imetayan se ayam-ayam ibegay diyà te Timanem te kelikit te omay. Pengkey yan se egtekingan dan, eked peg-aneng-aneng se Timanem te metòlid dan.

Menge Hebreo 8:5

Iling olò te ininang doton te langit se eg-inangen te menge telekagon te Judiyo. Doen heman simbahan doton te langit pig-ilingan te simbahan te menge Judiyo, so te wedà pa peg-inang si Moises te balay egsimbahan dan, migpunù se Timanem diyà kandin, kagi din, “Keilangan ipeinang no iyan iling te sìyan impekità ko kamno kedengan doton diatas te bontod.”

Menge Hebreo 9:9

Iling iyan te tegdeyanan, aw doen kelebadan niyan keilangan peg-ilingan tadon seini. Pengkey pila se bowang dan aw ayam-ayam imetayan dan aw ibegay diyà te Timanem, meneng eked iyan pekeabat te salà te otaw egsimba kidoen.