Kolasas 2:16 - Manobo Sarangani

¹⁶ So impelowà kaw den te Timanem, ikà niyo egpenenalan te menge otaw egpunù peden kenyo te doen eked niyo kepakay kànen aw doen eked niyo kepakay inemen, aw egpunù heman te keilangan tomolò kaw te menge ketanem dan tepad te menge pista kelikit te omay, aw kelikit te bolan, aw kelikit te aldaw te peg-etod.

Kolasas 2:16 ပူးပေါင်းရင်းမြစ်များ

Mat. 15:11

Kenà egpekesalà se otaw pineokit te iawop din diyà te bahà din. Meneng egpekesalà se otaw pineokit te lomowà lekat te bahà din.”

Mar. 7:19

Eked deleg se kànen doton te pedowan din, meneng domeleg iyan doton te getek, aw penga niyan lomowà lekat te lawa.” Pineokit te sìyan kagi i Jesus, netegahan tadon den te mepakay aw komaen kidon te pengkey eden kemoloi te kànen.

Ininang 15:20

Meneng mèpiya aw olò kidon somolat kandan aw megpunù kidon te eked dan kaen te pengelapen tapay imbegay diyà te inotaw, aw ayam-ayam egpelengen aw dipanog, aw eked dan heman peg-inabut te kenà kandan esawa.

Roma 14:10

Yan se doun te eked kepakay aw silahen tadon se ketanem egtekingan te doma otaw migpesakop diyà kandin. Eked heman kepakay aw meglindò kidon kandan, so sominalo kwani se kedita tadon te Timanem amon okomen kidon din.

Galasya 4:10

Meneng iling te timinàyog kaw den te Timanem tapay pinemenalan niyo pineokit te pegtolò niyo te ketanem tepad te aldaw te peg-etod, aw pista te kelikit te bolan aw kelikit te omay, aw pengkey kano se ibeg niyo peg-inang kenyan. Meneng eked kaw pekelowà lekat te salà pineokit te pegtolò niyo kenyan.

Kolasas 2:20

So migpesakop kaw diyà ki Cristo, iling te nematay kaw heman sipat kandin. Impelowà kaw din heman lekat te pegkeallang niyo diyà te ketanem te otaw dini te keneyonan. So kenà kaw den allang niyan, ikà niyo eg-aneng-aneng te keilangan tomolò kaw te menge punù iling kani.

Menge Hebreo 13:9

Aw doen otaw megtoladà kenyo te sebad kemolò toladà kenà iling te kebenalan tapay intoladà diyà kenyo, ikà niyo egpemenal kenyan. Pineokit te tabang te Timanem, melobos se pegsalig tadon diyà kandin. Eked kelobos se pegsalig tadon diyà kandin pineokit te pegtolò tadon te menge punù ipegtoladà dan tepad te kànen tadon, so kenà egketebangan se menge otaw egtolò te menge punù sìyan.

Menge Hebreo 9:10

Olò tepad te eg-inangen te otaw se menge punù sìyan, so doen punù tepad te pegkaen, aw peg-inem, aw peglinis te pengkey eden. Keilangan toloen iyan lamig olò te aldaw te peg-inang te Timanem te kaling peokit.

Santiago 4:11

Menge kedowa ko, ikà niyo egpesilahay. Aw somila kaw te doma otaw, aw meglindò kaw kandan, mekelindò kaw heman te punù te Timanem. Aw meglindò kaw te punù te Timanem, kenà kaw egtaking te punù din, so lomowan kaw peden kenyan.