Kolasas 2:12 - Manobo Sarangani

¹² Pegpebonyag tadon, iling te inlebeng kidon sipat ki Cristo, aw iling te inantay kidon heman sipat kandin tandà te pegpemenal tadon te ininang te Timanem Amay mig-antay ki Cristo lekat te nematay.

Kolasas 2:12 ပူးပေါင်းရင်းမြစ်များ

Luc. 17:5

Minikagi se menge sogounun i Cristo, “Lobosi se pegsalig day diyà kamno.”

Ininang 14:27

Pegdateng dan doton te Antyokya, pigtipon dan se kedita te otaw egpemenal amon meg-indan dan te kedita te ininang te Timanem pineokit kandan, so tinebangan dan te Timanem te peg-indan dan te menge otaw kenà Judiyo, aw yan nemenal dan heman te kagi te Timanem.

Ininang 2:24

meneng inantay sikandin te Timanem lekat te nematay. Impelowà din si Jesus diyà te kemetayun, so eked daeg se kemetayun kandin.

Ininang 2:32

Netoman den iyan, so inantay te Timanem si Jesus lekat te nematay, aw kinità te kedita day te neantay sikandin lekat te nematay.

Roma 4:24

so detengan kidon heman. Eneng-enengen heman te Timanem te metòlid se kedita tadon egpemenal te Timanem mig-antay te Pengolo tadon si Jesus lekat te nematay.

Roma 7:4

Menge kedowa ko, iling kidon heman kenyan, so pegkematay i Cristo, iling te nematay kidon heman doma kandin. So nematay kidon, eked kidon den keleges tomolò te menge punù ingkeliwat i Moises, meneng mepakay aw tomaking kidon den ki Cristo inantay te Timanem lekat te nematay, amon tomolò kidon te ibeg te Timanem.

1 Korinto 12:13

So se kedita tadon, pengkey Judiyo aw kenà Judiyo, aw pengkey allang aw kenà allang, meneng binonyagan se kedita tadon pineokit te Espiritu Santo amon meinang kidon sebad lawa, aw binegayan se kedita tadon te Espiritu Santo meg-ogpà diyà te pedowan tadon.

1 Korinto 15:20

Meneng seini se kebenalan. Inantay man si Cristo lekat te nematay, aw yan se ipetaga-taga te metoman heman entayen te Timanem lekat te nematay se kedita te otaw simalig kandin.

Galasya 3:27

So nemenal den se kedita niyo ki Cristo, aw binonyagan kaw den tandà te pegtaking niyo kandin, yan ontò kaw den iling te pegkesawol din.

Efeso 2:8

Pineokit te tabang te Timanem, impelowà kaw din lekat te salà te pegpemenal niyo ki Cristo kenà pineokit te inang niyo, meneng pineokit te bowang te Timanem kenyo.

Efeso 3:17

Egpemoyò a diyà te Timanem te gayed meg-ogpà si Cristo diyà te pedowan niyo tandà te pegpemenal niyo kandin. Egpemoyò a heman diyà kandin amon labi pa megkedakel se pedowan niyo diyà te Timanem aw diyà te doma otaw.

Efeso 3:7

Tandà te tabang te Timanem kanak, ininang a din sogounun megtoladà te Mèpiya Indan pineokit te tolos din.

Efeso 4:5

Olò sebad se Pengolo tadon. Olò sebad se pinemenalan tadon. Olò sebad se pegbonyag kenitadon.

Efeso 5:14

Aw doen manyag, keenyagan se kedita. Yan se doun te doen eg-ikegiyen seini. “Aw timedogi ka pa, keloka ka den. Aw nematay ka pa, keantay ka den lekat te nematay, So keenyagan kaw den i Cristo.”

Filipos 1:29

Pinemallì kaw din kenà olò amon memenal kaw ki Cristo, meneng pinemallì kaw din heman amon pemilangen kaw tandà te pegtaking niyo kandin.

Kolasas 1:29

Yan se doun te ontò a egpekagsen te pegtoladà ko kenyan pineokit te kagsen imbegay te Timanem kanak.

Kolasas 2:13

Kedengan, iling te nematay kaw, so nelegeb kaw te salà aw egtaking kaw te medaet ibeg te pedowan niyo. Meneng songkani binegayan kaw din heman te kaling pedowan iling ki Cristo, so pigwedad den te Timanem se kedita te salà ininang tadon.

Menge Hebreo 12:2

Keilangan tomaking kidon ki Jesus, so sikandin se ontò tadon peg-ilingan te pegsalig tadon diyà te Timanem, aw meinang heman melobos se pegsalig tadon diyà te Timanem pineokit te tabang i Jesus. Timayod sikandin te kelimahan te peglansang kandin doton te kros. Wedà sikandin keyàyà te neinang diyà kandin, meneng timayod sikandin te peg-imatay kandin, so netegahan din te meluba sikandin aw mepenga se kedita niyan. Egpenenoo den sikandin kidoen te tangkil te Timanem Amay din aw eglowan doma din.

Menge Hebreo 6:2

Ikà niyo eg-anggà-anggà te pegsoblod niyo te kebenalan tepad te pegpebonyag tadon, aw tepad te pegkinawà tadon te Espiritu Santo, aw tepad te peg-antay te Timanem kenitadon lekat te nematay te modi aldaw, aw tepad te peg-okom din aw eden se detengan te otaw te wedad temanan.

1 Pedro 3:21

Yan se pengilala tepad te pegpebonyag niyo, so impelowà kaw lekat te salà kenà tandà te peg-onaw te lawa niyo amon meabat se osing, meneng tandà te pegpemoyò niyo te Timanem te ebaten din se salà lekat te pedowan niyo. Impelowà kaw lekat te pelumun pineokit te pegkeantay i Jesu Cristo lekat te nematay.