Kolasas 2:11 - Manobo Sarangani

¹¹ Doen pengilala eg-inangen te menge Judiyo amon ipetaga-taga dan te egtaking dan te Timanem, aw yan se pegpemetolì dan. Meneng sebad se pengilala ininang i Cristo te pegpemenal tadon kandin, so impelowà kidon din lekat te pegkeallang tadon diyà te medaet ibeg te pedowan tadon.

Kolasas 2:11 ပူးပေါင်းရင်းမြစ်များ

Mar. 14:58

“Dinineg day se inikagi din te mekebatog sikandin megbaet te dakel simbahan sida ininang te otaw, aw ipetindeg din se kaling simbahan eked inangi te otaw dalem te telo se aldaw.”

Luc. 2:21

Pegdateng te ikewalo te aldaw lekat te pegtebaw din, tinolì sikandin aw iningedanan ki Jesus, so yan se ngadan inikagi te anghil te wedà pa peglaman se inay din.

Ininang 17:24

Eked sikandin peg-ogpà diyà te lowang te simbahan inangen te otaw, so sikandin se mig-inang te keneyonan aw kedita niyan, aw sikandin se Pengolo te kedita doton te langit aw dini heman te tanà.

Ininang 7:48

Meneng eked peg-ogpà se Timanem Melangkaw diyà te lowang te simbahan inangen te otaw, so simolat se telekeliwat te kagi te Timanem gebii, kagi din,

Roma 6:6

Netegahan tadon te peglansang ki Jesus doton te kros amon matay, iling te inlansang heman se tapay pedowan tadon doma kandin doton te kros, amon eked kidon den keibeg meg-inang te salà, aw amon eked kidon den keallang te salà,

Roma 7:24

Ontò melima se pegkesawol ko sìyan. Sinu se megpelowà kanak lekat te pegkeallang ko diyà te medaet ibeg te pedowan ko detengan te kemetayun?

2 Korinto 5:1

Meketayod a pa te kelimahan, so netegahan ko aw matay se lawa ko dini te keneyonan, doen pa kaling lawa eked palos kematay ibegay te Timanem kanak doton te langit.

2 Korinto 5:17

Se otaw simalig ki Cristo, ontò den netodà se pedowan dan. Taman den niyan se pegkeallang dan diyà te medaet, so doen den kaling pedowan dan.

Galasya 2:20

Pegpemenal ko ki Cristo, iling te nematay a doma kandin kidoen te kros. Lekat niyan, kenà kenaken ibeg se egbayà-bayà kanak, meneng si Cristo se egbayà-bayà kanak so eg-ogpaan a din. Dalem pa te peg-ogpà ko dini te keneyonan, megpesakop a diyà te Batà te Timanem egseligan ko. Dakel se pedowan din kanak aw yan nematay sikandin simelilin kanak.

Galasya 5:24

Se menge otaw migpesakop diyà ki Cristo, yan se mig-eked te pegtolò te medaet ibeg te pedowan.

Efeso 4:22

Yan keilangan tenanan niyo den se tapay pegkeotawun niyo so yan se linekatan te medaet ketanem tinekingan niyo kedengan, so pineokit kenyan, egkeekalan kaw amon tomaking kaw te medaet ibeg te pedowan niyo, aw yan se mekedaet kenyo.

Filipos 3:3

Meneng sikitadon se doen pengilala te ontò kidon sakop te Timanem, so egsimba kidon te Timanem pineokit te tabang te Espiritu Santo, aw doen den keluba tadon lekat ki Jesu Cristo. Impelowà kidon den lekat te salà, meneng kenà iyan pineokit te pegtolò tadon te punù ingkeliwat i Moises.

Kolasas 3:5

Yan, so iling te nematay kaw den doma ki Cristo, keilangan imetayan niyo se ibeg te pedowan niyo meg-inang te medaet iling te ininang niyo kedengan. Ikà niyo eglayok te kenà kenyo esawa. Ikà niyo egkapoy. Ikà niyo egkeboyo te medaet pengkey lekat iyan te kenyo pedowan. Ikà niyo eg-ingà te kedònan te doma otaw, so iling iyan te pegsimba niyo diyà te kenà benal timanem.

Menge Hebreo 9:11

Meneng doen den kaling peokit sìyan, so dimateng den si Cristo. Ininang den sikandin Telekagon tadon. Pineokit kandin, mèpiya se tabang dimateng diyà kenitadon. Labi pa ontò mèpiya se simbahan inopan din doton te langit. Wedà iyan inangi te otaw so kenà iyan dini lanto te tanà.

Menge Hebreo 9:24

Yan penga te pegkematay i Jesus, kenà simbahan ininang te menge Judiyo se inopan din, so olò iyan impeiling te benal simbahan doton te langit. Meneng dimoton sikandin te langit, aw egkagon den sikandin kenitadon doton te Timanem.