Kolasas 2:10 - Manobo Sarangani

¹⁰ Pineokit te pegpemenal niyo ki Cristo, nekekinawà kaw den te kaling pedowan aw wedad kolang niyan. Sikandin se melangkaw diyà te kedita te metolos aw eglowan.

Kolasas 2:10 ပူးပေါင်းရင်းမြစ်များ

Mat. 28:18

Migpedapag si Jesus diyà kandan aw minikagi, “Impelowan a den diyà te kedita doton te langit aw dini heman te lanto te tanà.

Juan 1:16

Ontò kidon din neidowan, aw gayed kidon din egtebangan te wedad temanan.

1 Korinto 15:24

Penga niyan, metoman se kedita, so domaeg si Cristo te kedita te poon din pengkey kenan. Penga niyan, ipetunung din se peglowan din, aw iolì se kelangkaw te peglowan diyà te Timanem Amay,

Efeso 3:10

amon pineokit te kedita te otaw egpemenal, ipetaga-taga din den diyà te kedita te melangkaw aw metolos doton te langit te ontò mèpiya se kebiyasa din.

Efeso 3:19

Ibeg ko metaga-taga kaw te egkedekelan kaw i Cristo te pedowan, pengkey eked tadon ontò kelebeti se kedakel te pedowan din. Aw metaga-taga kaw te egkedekelan kaw i Cristo te pedowan, kinewaen niyo se kedakel te ibegay te Timanem diyà kenyo lamig mesikop kaw onawa te pegkesikop din.

Kolasas 2:15

Dinaeg te Timanem se kedita te metolos aw eglowan, aw impetaga-taga din te kedita tadon te nenalo den sikandin diyà te kedita dan pineokit te pegkematay i Jesus doton te kros.

Kolasas 3:11

Diyà te kedita tadon egpemenal, wedad palos lindoan te Timanem, pengkey Judiyo aw kenà Judiyo, pengkey tinolì aw wedà tolii, pengkey mig-iskwila aw wedà peg-iskwila, pengkey allang aw kenà allang, so migsebad den se kedita tadon diyà ki Cristo, aw mig-ogpà sikandin diyà te kedita tadon.

Menge Hebreo 5:9

Pineokit te pegtayod din te kedita niyan, impetaga-taga din te ontò sikandin timolò, aw yan neinang sikandin Egpelowà te kedita te otaw tomolò kandin, amon begayan din dan te kaling pedowan wedad temanan.

1 Pedro 3:22

Dimoton sikandin diatas te langit. Minonsad den sikandin kidoen te tangkil te Timanem aw eglowan heman doma din. Impelowan sikandin diyà te kedita doton te langit, pengkey kedita te anghil aw menge doma metolos.