Kolasas 2:1 - Manobo Sarangani

¹ Ibeg ko ketegahan niyo te ontò a migpekagsen te pegtoladà ko tepad ki Cristo amon tebangan ko sikiyo tege Kolosas, aw menge otaw doton te Layodisiya, aw kedita heman te otaw egpemenal wedà pa kità kanak.

Kolasas 2:1 ပူးပေါင်းရင်းမြစ်များ

Genesis 30:8

Minikagi si Raquel, “Kedengan dinaeg a te kakay ko, meneng songkani dinaeg ko heman sikandin.” Yan iningedanan din se batà din ki Neftali (kelebadan niyan, bolaw).

Luc. 22:44

Ontò mebegat se pedowan din, aw yan se doun te ontò sikandin migtawal-tawal. Ontò sikandin pig-etingan iling te pegtedak te dipanog.]

Ininang 20:25

Lamig seini, miglegeb a amon megtoladà a kenyo tepad te peglowan te Timanem. Meneng mesayo a den, aw eked a den palos likò dini.

Ininang 20:38

Ontò dan nepuluk, so minikagi si Pablo te eked den palos likò doton kandan. Penga niyan, timaking dan kandin doton te dakel belangay sekayan day.

Galasya 4:19

Menge batà ko te pegpemenal, ontò a netetana kenyo, so ontò ko ibeg tiboken niyo se pegtaking ki Cristo.

Filipos 1:30

Kinità niyo te pinemilang a kedengan, aw dinineg niyo heman te egpemilangen a pa lamig songkani. Se kelimahan eg-okitan niyo, yan se onawa te kelimahan eg-okitan ko tepad ki Cristo.

Kolasas 1:24

Pengkey kineleboso a, meneng neluba a den, so pineokit te kelimahan ko, melobos se pedowan niyo diyà ki Cristo. Pineokit te pegtayod ko te kelimahan, kelumunan ko se kelimahan ibeg i Cristo okitan ko amon ketebangan se kedita te otaw egpemenal, kedita tadon impolingun te lawa i Cristo.

Kolasas 1:29

Yan se doun te ontò a egpekagsen te pegtoladà ko kenyan pineokit te kagsen imbegay te Timanem kanak.

Kolasas 2:5

Pengkey wedad a doton kenyo, meneng gayed a eg-aneng-aneng kenyo. Neluba a te pegdineg ko te migsebad kaw aw ontò kaw simalig diyà ki Cristo.

1 Tesalonika 2:2

Te wedà kay pa doton kenyo, ontò medaet se ininang kenami, aw tinompuyus kay doton te Filipos. Meneng pegdateng day doton kenyo, tinebangan kay te Timanem aw yan wedad ketalaw day te pegtoladà day kenyo te Mèpiya Indan lekat te Timanem. Yan se ininang day pengkey medita se otaw migpoon kenami.

Menge Hebreo 5:7

Pegtawal-tawal i Jesus diyà te Amay din dalem te peg-ogpà din dini lanto te tanà, seletà migpegais sikandin aw migkelag, so mekebatog se Timanem megpelowà kandin lekat te kemetayun. So ibeg i Jesus tomolò, yan se doun te nenenalan se Timanem kandin.

1 Pedro 1:8

Pengkey wedà kaw palos kità ki Jesus, meneng dakel se pedowan niyo kandin. Pengkey wedà kaw kità kandin, meneng nemenal kaw kandin, aw yan se doun te ontò neluba se pedowan niyo, aw eked iyan kelitok te kagi.

Impekità 1:11

Minikagi sikandin, “Solati se kitaen no, aw peibingi iyan doton te menge sakop te pito simbahan kidoen te Efeso, aw Ismirna, aw Pergamo, aw Tiyatira, aw Sardis, aw Filadelfya, aw Layodisiya.”